Ribadeo, 28 de abril de 2017. Ata o 15 de maio pódese visitar na oficina de turismo de Ribadeo a exposición Manuel Rodríguez López, emigrante galego, poeta obreiro, que foi inaugurada esta tarde polo concelleiro de Cultura, Farruco Graña, e por Antonio Xiz, de Galicia Dixital.
O edil nacionalista dixo que “ata un luns 15 de maio imos poder contemplar unha exposición sobre a figura de Manuel Rodríguez López, emigrante galego e poeta obreiro. Consta dunha serie de paneis moi vistosos e agradecidos á vista, posto que están ben deseñados, con moita fotografía, moita imaxe e a súa correspondente dose de texto ben dosificado para coñecer e adentrarnos tanto na obra literaria como na figura social e cultural de Manuel Rodríguez López: un lucense de Paradela que emigrou a Cataluña nos anos 60 e 70 e dalgunha maneira era o embaixador de Cataluña para as xentes de Lugo centro, de Paradela, da comarca de Sarria e Monforte, posto que sempre traía noticias frescas de todas as novidades culturais que se estaban desenvolvendo nesa sociedade que comezaba a agromar aló polos anos 70, desexosa de liberdade, desexosa de facer cultura na lingua propia e que enchía os corazóns de ilusión e de esperanza a moita xente que estábamos por Galicia naqueles momentos facendo cultura aquí pero con gañas de coñecer, comprender Galicia desde o mundo enteiro. E Manuel Rodríguez López era unha das figuras que alimentaba e retroalimentaba ese sistema cultural galego”.
Farruco Graña sinalou que “é unha exposición na que podemos ver distintos paneis nos que se lembran as súas publicacións en prosa, as colaboracións en libros colectivos, en xornais e revistas; unha exposición na que tamén hai paneis para saber dos premios que logrou, das condecoracións e homenaxes que recibiu e tamén para saber da súa correspondencia cos principais persoeiros da cultura galega do século XX: Ramón Cabanillas, Ramón Otero Pedrayo, Ramón Piñeiro, Manuel María, Celso Emilio Ferreiro, Xesús Alonso Montero ou Xosé Filgueira Valverde. Era unha persoa moi ben relacionada co ámbito da cultura galega daqueles momentos. Foi un emigrante que estivo en Cataluña e da súa actividade a prol da cultura galega temos información cumprida nesta exposición, que se deixa ver moi ben e que é moi agradecida”.
E engadiu que “estes paneis informativos están distribuídos por toda a sala de turismo, cáptanse moi ben visualmente e desde logo vai ser moi instrutiva para todos. Animamos ás xentes do mundo do ensino a que inciten aos rapaces e rapazas das súas aulas a que se acerquen para repasar un pouquiño a literatura galega do século XX. E en todo caso todos e todas poderemos informarnos máis a fondo desta figura de Manuel Rodríguez López na páxina web que leva o seu nome: www.manuelrodriguezlopez.org”.
A exposición está organizada polo Concello de Paradela, a Deputación de Lugo, a Xunta de Galicia, a Real Academia Galega, C.R.R.O. Ribeira Sacra, Galicia Dixial e o Concello ribadense.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
