Xove (Lugo), 3 de maio de 2017.- O delegado territorial da Xunta, José Manuel Balseiro, destacou que a mellora de infraestruturas e servizos “é clave para manter a actividade económica e a poboación no medio rural”, polo que o Goberno autonómico “realiza un importante esforzo inversor neste eido”.
Balseiro visitou en Xove as obras executadas ao abeiro do Plan Marco de mellora de camiños de titularidade municipal, cun investimento de 59.488 euros, que supuxeron o arranxo de vías de acceso a parcelas agrarias dos núcleos de Labradela e Carballás. Estivo acompañado polo alcalde do municipio, Demetrio Salgueiro.
No caso de Labradela, a Consellería do Medio Rural actuou sobre un tramo de preto de 1,3 quilómetros de lonxitude, cunha anchura variable de entre 4 e 4,30 metros. En Carballás reparouse tamén un camiño de 820 metros cun ancho de entre 2,80 e 4 metros. En ambos casos as actuacións consistiron na substitución do pavimento -con aglomerado en quente-, a mellora da drenaxe e a limpeza de cunetas, así como o pintado e marcado das vías.
O Plan Marco, que terá continuidade este ano, recolle como obxectivo principal ampliar, mellorar ou manter os camiños municipais que faciliten o acceso a explotacións agrarias, o que incide nunha maior comodidade para os traballos agrícolas e tamén nunha maior seguridade para o tráfico en xeral. Por elo, apuntou Balseiro, “é importante tanto desde o punto de vista agrogandeiro como social”.
Durante o pasado ano, segundo explicou o delegado, este programa achegou un investimento de máis de 900.000 euros nos concellos da Mariña. “O obxectivo xenérico deste plan, que se complementa co amplo conxunto de iniciativas que desenvolve a Xunta no medio rural, é mellorar as condicións de vida dos residentes e atraer á poboación nova” afirmou.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
