San Román de Vilaestrofe, a 6 de Maio de 2017. A empresa Area Minera del Atlánticos S.L. Atopábase ata fai uns meses inmersa nun proceso concursal, do cal saiu en setembro de 2016. A empresa adebédalle á Comunidade de Montes de Vilaestrofe preto de 350.000 euros, os cales, tras diversos prazos de pago propostos pola Dirección da empresa seguen sen pagarse, condicionando moito as actuacións da propia Comunidade.
Area Minera del Atlánticos S.L. Paralizou a súa producción en decembro de 2014, e ata ese momento vendía caseque o 100% da súa producción, con un material de alta calidade que atopaba cabida no mercado facilmente.
Preto de 60 postos de traballo directa ou indirectamente eran os que cubría a empresa, os cales foron desaparecendo tras o ERE que a empresa solicitou e lle foi concedido.
Dende a Comunidade de Montes vemos con seria preocupación toda esta situación, pois non só se perde unha empresa emblemática da zona con cuota de mercado, senón que se perden unha serie de postos de traballo e o que é máis importante ó noso parecer, XÉRASE UN ENORME PERIGO CARA OS VECIÑOS DE SAN ROMÁN DE VILAESTROFE, POIS UNHA MINA ABANDONADA E SEN VISOS DE POÑERSE EN MARCHA, PODE TER GRAVES CONSECUENCIAS NO CASO DE NON SER RESTAURADA, DADO QUE A FENDA EXISTENTE NO MONTE SEGUE SEN SER RESTAURADA.
A Comunidade de Montes tentou por todos os medios poñerse en contacto coa Dirección da empresa, pero esta sempre nos dá largas nas súas intencións, e incumpre os seus compromisos, de ahí, que xa se prantexen outro tipo de medidas, as cales vamos a estudar nunha vindeira asemblea da Comunidade, e entre as cales destacan as seguintes.
Reclamar no Xulgado do Mercantil a débeda de 350.000 euros contraída pola empresa.
Manter contacto con outros acreedores para actuar conxuntamente.
Prantexar a convocatoria de mobilizacións para protestar pola situación, cun grande acto a pé de mina nunha concentración de veciños.
Reclamar ante a Xunta de Galicia a execución do aval que a empresa tén depositado e que se fagan as labores de mantemento da mina para garantir a seguridade da mesma.
Pedir na mesma institución (Xunta de Galicia), que se lle retire á empresa a concesión de explotación e se abra un novo concurso, no cal se poda adxudicar a concesión a outra empresa solvente que poda explotar a mina.
Para todo isto, nos vindeiros días solicitaremos xuntanzas co Sr. Alcalde do Concello de Cervo, D. Alfonso Villares, co Delegado da Xunta en Lugo, D. José Manuel Balseiro Orol, coa Dirección Xeral de Minas e co propio Conselleiro de Economía, Emprego e Minas.
Entendemos que o desbloqueo desta situación debe vir da propia Xunta de Galicia, abrindo un novo concurso para a retirada da concesión a empresa Area Minera del Atlánticos S.L e unha adxudicación do mesmo a outra empresa do sector, dado que hai empresas moi importantes interesadas en explotar a mina.
Queremos agradecer de antemán a disposición que tiveron ata o momento tanto D. Alfonso Villares, Alcalde do Concello de Cervo, como o Delegado D. José Manuel Balseiro, moi sensibilizados con esta problemática e que se puxeron en todo momento á nosa disposición.
Ditas medidas serán evaluadas na próxima asemblea que convocaremos en poucos días.
Leandro Río González.
Presidente da Comunidade de Montes de Vilaestrofe.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
