LUGO, 19 de maio de 2017.-A presidenta provincial do PP, Elena Candia, acompañada de varios integrantes da Comisión de Política Social, presentou este venres a I Convención de Política Social e Igualdade, que se celebrará o vindeiro sábado, 27 de maio, no Hotel Méndez Núñez. O foro, organizado polo Partido Popular, congregará ese día a especialistas na materia, quenes exporán e analizarán este asunto dende as perspectivas social, xudicial ou da inclusión.
Deste xeito, e co fin de chegar a un maior número de persoas, o simposio ten un carácter máis formativo que político porque, tal e como explicou a dirixente provincial, “o noso obxectivo é que ao encontro asista calquera persoa que poida estar interesada no tema que centra a convención. Queremos ser un instrumento útil, que dea solución aos problemas da cidadanía. Por iso, o que pretendemos é abordar de maneira seria e realista os retos da política social en España, en Galicia e na provincia”, destacou Elena Candia.
Con este encontro, segundo precisou a dirixente do PP, dase continuidade ao compromiso político que asumiu hai un ano a nova dirección de achegar o Partido á xente. Neste senso, a actividade engádese a esa dinámica e escoita activa que vén levando a cabo a organización con distintos colectivos e sectores. A finalidade, subliñou a presidenta, é “crear un escenario de debate e de aportacións para que as demandas cheguen ás institucións con responsabilidades, e que estas poidan ser cursadas. A idea é converter o Partido nun instrumento de conexión entre a sociedade, o tecido asociativo e órganos de goberno, facendo aportacións construtivas, tal e como fixemos co congreso de Educación, o Foro Emprende -destinado a autónomos- ou o Foro de Sanidade”, indicou.
Un programa con grandes especialistas
O encontro dará comezo ás 10:00 horas, e contará con distintos especialistas na materia. Será inaugurado polo secretario de Estado de Servizos Sociais e Igualdade, Marío Garcés Sanagustín, así como polo vicepresidente da Xunta de Galicia, Alfonso Rueda Valenzuela; o secretario Xeral Técnico da consellería de Política Social, Francisco Javier Abad Pardo; e a presidenta do PP, Elena Candia.
Acto seguido, darán comezo os relatorios. O primeiro, baixo o epígrafe “Os retos e obxectivos das políticas sociais en España”, correrá a cargo do responsable estatal Garcés Sanagustín. Pola súa banda, Abad Pardo exporá os retos da administración autonómica na provincia de Lugo. Asimesmo, a secretaria Xeral de Igualdade, Susana López Abella, moderará a mesa redonda sobre a violencia de xénero, na que intervirán, dende unha perspectiva xudicial, o vicedecano do Colexio de Avogados de Lugo, Óscar Núñez-Torrón Latorre; dende o ámbito social, a secretaria Xeral da asociación Mulleres en Igualdade, Carmen Funez de Gregorio; e dende a óptica asistencial, Carmen Paredes Cabral, membro do Centro de Urxencias para Vítimas de Violencia de Xénero (CEMVI).
A convención contará, ademais, con outras dúas mesas redondas, que se densenvolverán en horario de tarde. A partir das 16:30 horas, a directora Xeral de Familia, Infancia e Dinamización Demográfica, Amparo González Méndez, moderará a primeira sobre a situación dos menores, e na que participarán: Jesús Iglesias Vázquez, da asociación AGACEME de A Pontenova; Mónica Permuy López, presidenta da Fundación MENIÑOS; e Antonio Aparicio de Zúñiga, da Fundación CAMIÑA SOCIAL.
A continuación, terá lugar a segunda mesa redonda, que versará sobre a sobre inclusión social. Estará moderada polo director Xeral de Inclusión, Arturo Parrado Puente. Nelaintervirán: Iris Castro Meitín, presidenta da asociación de Enfermos Mentais da Mariña; Mónica Seijas Rodríguez, xerente de APSNAIS; e axerente de DOWN LUGO, Delfina Pérez Suárez. O simposio será clausurado ola coordinadora sectorial de Política Social do PP de Lugo, María José Blanco Freire, e a presidenta provincial do PP.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
