Burela, 31 de Maio de 2017. No pleno ordinario celebrado en Burela este martes, no que se tratou a “reformulación da sinalización da Avdenida Arcadio Pardiñas”, o Grupo Municipal nacionalista exixiu ao Sr. Alcalde que se negocie por parte do Concello unha solución cos comerciantes e veciñanza afectada polos cambios efectuados nas marcas viais en Arcadio Pardiñas. “Entedemos o descontento e o malestar provocado pola nova sinalización horizontal, porque a obra executada non se corresponde co proxecto inicial elaborado pola oficina técnica municipal”, afirmou o portavoz municipal do BNG, Mario Pillado. “O Sr. Llano debe aclarar por que se actuou primando un informe da policía local sen ter en conta o proxecto elaborado polos técnicos municipais. O que ten que facer o Sr. Alcalde é dar explicacións e buscar unha solución que satisfaga aos afectados”, dixo Pillado
O BNG tamén criticou ao PSOE por non dar maior celeridade á verificación das sinaturas presentadas pola plataforma de afectados e lamenta que fose o PP o encargado de presentar a moción coas propostas da plataforma, apropiándose dunha iniciativa popular para o seu beneficio partidiario. “Nós entendemos que debe ser a veciñanza afectada a que rexistre as súas iniciativas e tamén a que expoña directamente as súas propias demandas. Non críamos conveniente que o grupo do BNG presentase unha moción e por iso propuxemos cederlles a palabra na nosa quenda de intervencións no apartado de rogos e preguntas” comentou Pillado.
O BNG demanda un Plan Integral de Mobilidade.
A formación nacionalista mostrouse moi escéptica desde o primeiro momento en relación ás obras de reposición do pavimento e marcas viais aprobadas polo equipo de goberno do PSOE por valor de preto de 100.000€, con cargo ao Plan Único da Deputación Provincial. En palabras do portavoz do BNG, “estas obras atenden máis a unha operación estética coa que se quixo facer un lavado de cara en zonas moi concretas da vila, maquillando as carencias que aínda existen noutros barrios do concello”. Desde BNG cuestionaron a falta de planificación por parte do Goberno Municipal do PSOE. “Non entendemos como se están a repoñer baldosas en determinadas zonas da vila, cando aínda quedan rúas sen beirarrúas ou numerosos pasos de peóns que non contan con bordos rebaixados, ou como se deixa sen asfaltar a zona do Correo Vello, co tramo mais maltratado da Avenida Arcadio Pardiñas”, lembrou Pillado.
O Grupo Municipal do BNG demandou a aprobación dun Plan Integral de Mobilidade e seguridade viaria por parte do Concello. Para a formación nacionalista, Burela precisa dun proxecto serio e de futuro, pensado para toda a veciñanza e que dea prioridade ás persoas. “O Sr. Alcalde non pode dedicarse a ir anunciando ao chou actuacións que afectan a todos os veciños e veciñas de Burela. O que hai que facer é un estudo das necesidades da vila e a partir de aí presentar un plan elaborado por técnicos especializados que contemple a accesibilidade das persoas con mobilidade reducida, a seguridade viaria e a humanización da nosa vila, procurando a peonalización e a creación de espazos libres de tráfico”, concluíu Pillado.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
