Lugo, 30 de maio 2017. O Presidente, Darío Campos Conde, subliñou este mércores que “dende que cheguei á Deputación o que sempre tento facer é construír para mellorar a calidade de vida dos veciños, sacando adiante os proxectos que temos nesta institución, os únicos que hai para a nosa provincia, pois non existe ningún por parte doutras administracións. E mentres o PP só desprestixia, non só a miña persoa, que é evidente, senón á propia Deputación e ás persoas que aquí traballan, que nada teñen que ver co ámbito político. Así o puidemos ver onte no Pleno Provincial onde o PP calumniou a persoal desta institución e impediu a aprobación da concesión do servizo do centro de recría”.
“Creo que o que lle importa aos veciños hoxe é que o centro de recría non está adxudicado porque o PP se opuxo onte, impedindo que estas instalacións empecen a funcionar en xuño, como estaba previsto; que as residencias seguen á espera dos permisos da Xunta do PP para poder abrir, ao igual que o centro de despece de carne da Fonsagrada. Isto é o importante para os nosos veciños”.
Así o manifestou Campos Conde a preguntas dos xornalistas ao respecto da Xunta Xeral de Suplusa deste pasado martes, onde o Goberno Provincial votou a favor do seguinte acordo, que se apunta textualmente: Que a Xunta Xeral da Sociedade Urbanística Provincial de Lugo S.A. se dirixa ao Consello de Administración e ao Sr. Presidente da dita Sociedade para iniciar o cambio da Presidencia da Xunta Xeral e do Consello de Administración de Suplusa”. Todos os membros do Executivo Provincial teñen acordado xa dende o pasado mes de febreiro promover cambios no Consello de Administración de Suplusa, polo que apoiaron esta iniciativa.
O Presidente explicou que “o acontecido onte non ten maior importancia, máis que a que lle quere dar o Partido Popular para meter cizaña e desprestixiarme a min mesmo e ao traballo que facemos dende a Deputación, cunha actitude que vai máis alá, pois desprestixian aos propios traballadores desta casa. Dende que cheguei á Deputación o que sempre tento facer é construír, sacar adiante os proxectos que temos nesta institución, que son os únicos cos que contan os nosos veciños, pois non hai ningún outro por parte da Xunta ou do Goberno Central, onde goberna o Partido Popular, que, nesta provincia, só se ocupa desprestixiar e destruír, entorpecendo todas e cantas iniciativas poden, como fixeron onte mesmo no Pleno co centro de recría”.
Construíndo cos veciños de toda a provincia
O Presidente fixo estas declaracións antes de presentar o traballo que o Goberno da Deputación levou a cabo con máis de 250 axentes do sector turístico da provincia. Conxuntamente, abordaron as necesidades e potencialidades do turismo en Lugo, que definirán as liñas de actuación do Plan Estratéxico de Turismo, que se presentará en xuño. “Nós construímos”, apuntou Campos Conde, facendo referencia a este traballo, que é o primeiro e único plan de turismo da provincia de Lugo, pois ningunha otra administración, coas competencias directas no sector, como é a Xunta en Galicia, o fixo nunca.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
