Mondoñedo, 7 de xuño de 2017.- O Goberno local de Mondoñedo promoveu durante estes dous anos de mandato un “forte” compromiso na área social e, especialmente, realizou unha “destacable” aposta pola mellora na prestación do Servizo de Axuda no Fogar, onde practicamente duplicou o investimento que se dirixe ao desenvolvemento deste programa de atención aos maiores respecto ao 2010, blindando un servizo que o executivo municipal considera “prioritario”.
A alcaldesa de Mondoñedo, Elena Candia, destaca o esforzo que se está a ofrecer no Servizo de Axuda do Fogar, onde o Goberno local suprimiu a lista de agarda e a través do que se atende ao 100% dos usuarios que demandan esta colaboración que ofrece o Concello. En concreto, as traballadoras do Servizo de Axuda no Fogar desprázanse diariamente para dar resposta ás necesidades dun centenar de usuarios. O número de persoas ás que se lle presta este servizo incrementouse en preto de 30, dende o ano 2015.
19 traballadoras e 100 usuarios
De igual maneira, Elena Candia resaltou que a xente maior “segue a ser unha das nosas principais prioridades e, que os nosos maiores estean o maior tempo posible nas súas casas e cunha boa calidade de vida e o obxecto que perseguen as auxiliares de Axuda no Fogar do Concello mindonienses, que os coidan”. O departamento de servizos sociais conta na actualidade cun total de 19 traballadoras que atenden ao centenar de usuarios que ten o SAF.
En canto ao gasto realizado no Servizo de Axudar no Fogar, a rexedora da cidade tamén deu datos que demostran que o Executivo local está a blindar este servizo. No ano 2010, o SAF supuxo un gasto superior aos 131.000 euros (entre prestación básica e dependencia); mentres que no 2016, o investimento que fixo o Goberno de Candia e que permite darlle unha resposta íntegra a totalidade dos demandantes do SAF, achégase aos dos 260.000 euros, é dicir, máis de 96.000 en prestación básica e supéranse os 162.000 euros en dependencia.
Bolsa de emprego
Neste eido, a alcaldesa de Mondoñedo lembra tamén que hoxe, 7 de xuño, remata o prazo para que as persoas interesadas presenten a solicitude para participar no proceso convocado polo Concello para optar a unha bolsa de emprego para a prestación do SAF. Requírese entre as titulacións para acceder ao posto as de técnico en coidados auxiliares de enfermería (FP), técnico de atención sociosanitaria (FP) ou certificado de profesionalidade de atención sociosanitaria a persoas dependentes en institucións sociais ou atención sociosanitaria a persoas no domicilio, ou equivalente homologado. Ademais, a bases requiren dispor de permiso de conducir tipo B e máis de vehículo. O anuncio apareceu publicado no BOP do pasado 31 de maio. As bases do proceso están a disposición dos interesados nas oficinas do Concello en horario de 8 da mañá a tres da tarde.
Fortalecer servizos sociais, principal compromiso do Goberno de Candia
Deste xeito, o Goberno local estalle a dar resposta a un dos seus principais compromisos de fortalecer o departamento de Servizos Sociais, unha área na que o executivo municipal está a realizar importantes actuacións como, por exemplo, a incorporación dunha educadora familiar; a aposta pola formación en materia de benestar; ademais de contribuír para que o concello conte con outros servizos como é a apertura do centro de día, ademais de estar en proxecto a ampliación da gardería municipal con 15 novas prazas, e a posta en marcha dunha ludoteca.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
