Lugo, 07 de xuño de 2017. Todos os alcaldes do PSOE decidiron hoxe non acudir a un acto de presentación do Plan de Mellora de Camiños Municipais da Xunta de Galicia porque consideran “unha burla do Partido Popular que recolla unha redución de máis de 6 millóns de euros con respecto ao ano pasado que van deixar de recibir todos os nosos veciños”.
En nome dos rexedores socialistas, o Alcalde do Valadouro, Edmundo Maseda, denunciou que o ano pasado a contía do devandito plan, que serve para arranxar os camiños municipais, ascendeu a case 5,4 millóns de euros, mentres que este ano e o que vén se reduce en case un 62% con respecto ao 2016. É dicir, máis de 6 millóns de euros de recorte para os 67 concellos da provincia.
Os alcaldes socialistas inciden en que este recorte deixa en situación moi grave a moitos concellos xa que, nalgúns casos “esta axuda é a única que reciben por parte da Xunta e pode chegar a supoñer ata o 50% do seu capítulo de inversións”.
Maseda destacou que o novo plan que contempla a Xunta é bianual. Isto significa que os concellos non só reciben unha cantidade de cartos máis baixa que o ano anterior, senón que teñen que repartila en dous anos. “É a dobre rebaixa do Partido Popular cos nosos veciños: menos cartos e por riba a repartir en dous anos”.
Os alcaldes socialistas afirman que levan anos sendo respectuosos cos actos organizados na provincia pola Xunta de Galicia, pero aseguran que xa están fartos de que “nos chamen só para facer unha foto e, a renglón seguido, saír coas mans baleiras”.
A lexislatura do rural do Presidente da Xunta
No acto, os rexedores socialistas lembraron que na última campaña electoral e na súa investidura, Alberto Núñez Feijóo dixo que esta ía ser a lexislatura do rural. Por iso, denuncian que cun recorte de máis de 6 millóns de euros para arranxar camiños dos 67 concellos da provincia, a Xunta do Partido Popular maltrata o medio rural e non cumpre a súa palabra. Lembraron, ademais, a promesa do PP de destinar 200 millóns de euros para fixar poboación no medio rural e pregúntanse onde están.
Por todos este datos, os rexedores socialistas cren que hoxe tamén deberían plantarse ante a Xunta de Galicia os alcaldes do Partido Popular para defender os seus veciños, porque tamén sofren este recorte. Maseda lembrou que “só uns poucos concellos populares reciben importantes convenios excepcionais pola porta de atrás que, sospeitamos, saen dos 6 millóns de euros que recortan dos concellos”.
Tamén se referiron ás palabras da Conselleira do Medio Rural ao tomar posesión dicindo que ía defender o municipalismo porque foi alcaldesa. “Creo que a Conselleira desertou da súa condición de ex-alcaldesa, esquecéndose totalmente dos concellos”, asegurou Maseda.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
