Burela, 7 de xuño de 2017. O alcalde, Alfredo Llano, fai unha valoración moi positiva das festas patronais que remataron onte. O rexedor burelés destacou a alta participación en todas as actividades, e subliñou a implicación de xente de todas as idades na elaboración da alfombra floral. Llano agradeceu o traballo realizado pola comisión organizadora.
O alcalde burelés manifestou: “soamente podemos dicir cousas boas desta festa porque por un lado houbo bo tempo, había certa preocupación en vista dos partes, pero o venres na actuación de Café Quijano estivo extraordinario, ao igual que o sábado e o domingo”.
Alfredo Llano considera que “foi unha das festas de máis participación popular, houbo unha participación extraordinaria. Hai que ver soamente a cantidade de xente que estaba facendo a alfombra, onde había todo tipo de idades o que quere dicir que existe implicación desde moi novos diante desta responsabilidade de facer unha obra colectiva. Daba gusto ver toda a extensión da alfombra cheo de xente ocupándose de facer as cousas o mellor posible. A alfombra saíu perfecta, e desde logo houbo moito tempo, case dúas horas e media, para poder contemplala antes de que pasara a procesión por enriba dela”.
O rexedor salientou que “houbo moita participación en calquera tipo de actos tanto no porto como na procesión marítima, que tamén estivo moi ben, cun tempo extraordinario, con moitas embarcacións, e repleto de xente voluntariosa e entusiasta, xente do mar que estivo facendo todo o que podía para facer máis vistosa a procesión marítima”.
Llano indicou que “houbo practicamente cero incidentes. Aínda que sempre hai algún, pero con toda a xente que aquí pasou estes días penso que estivo todo de marabilla. Non houbo incidentes especiais de mención, non houbo pelexas, nin grandes cousas polas que poidamos estar preocupados”.
O alcalde engadiu que “a única pena que houbo é que queríamos traer unha actuación para a praza do Concello. Este ano non puido ser, houbo o falecemento do empresario e non puido acudir este ano, pero xa se están facendo as cousas para que o ano que ven estea todo controlado desde un principio”.
Alfredo Llano quixo “darlle a noraboa á comisión de festas, e ao pobo de Burela pola súa participación en todo canto houbo porque participou, colaborou e fixo que esta festa fora para arriba dunha maneira espectacular e agradable para todos. Así que darlle as grazas ao pobo de Burela e dicirlles que a comisión de festas xa está traballando para a edición do ano que ven. Espero que todo vaia moi ben e desde logo moi agradecido por todo canto se fixo estes días aquí no noso concello”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
