Burela (Lugo), 7 de xuño de 2017.- A Xunta de Galicia mellora a calidade de vida das veciñas e veciños de Burela achegando, tan só no último ano, preto de tres millóns de euros en novas obras e servizos financiados con fondos autonómicos. Así o explicou o delegado territorial, José Manuel Balseiro, no transcurso dunha visita á localidade.
A cifra sería incluso moito maior se temos en conta que en Burela tamén se están executar importantes investimentos de interese comarcal, como é o caso da obra de ampliación e remodelación do Hospital da Costa (na que se invisten nesta primeira fase 12 millóns de euros) ou o recentemente inaugurado novo acceso ao porto (para o que a administración autonómica achegou 8 millóns de euros)
“O Goberno galego ten un firme compromiso con Burela que se materializa nestes e noutros apoios, na mellora dos centros educativos, en investimentos para que o próximo curso poida estrear unha segunda gardaría, no fomento do emprego con accións formativas ou axudas directas a empresas, ou con apoios relevantes ás necesidades que se van detectando no seu porto pesqueiro, un dos máis importantes do Cantábrico”-dixo Balseiro.
Centro ocupacional da Fundación Eu Son
O delegado territorial da Xunta exemplificou este apoio coa súa visita ao centro ocupacional que xestiona a Fundación “Eu Son” Para o sostemento das 25 prazas concertadas, a Consellería de Política Social achega 168.255 euros, que a converte na administración que maior axuda achega.
A Fundación Eu Son é unha entidade sen ánimo de lucro creada coa finalidade de proporcionar asistencia social a persoas con discapacidade intelectual en idade laboral cuxa discapacidade (temporal ou permanente) lles impida a súa integración nunha empresa ou nun Centro Especial de Emprego
Beneficianse dos seus servizos usuarios procedentes de distintos concellos da Mariña de Lugo, concretamente, Alfoz, Ferreira, Mondoñedo, Lorenzana, Ribadeo, Xove, Cervo e Burela. O Goberno galego estuda ampliar as axudas co concerto de novas prazas, neste caso no centro de día que xestiona esta mesma entidade.
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
