Santiago de Compostela, 9 de xuño de 17. A portavoz de Pesca do grupo socialista, Loli Toja, preguntoulle á Xunta en comisión parlamentaria sobre o estado das negociacións para a revisión do Acordo Bilateral de pesca entre España e Portugal, que vence en decembro e rixe as condicións de exercicio da actividade nas augas de ambos países e que “tal e como está, supón unha importante desvantaxe competitiva para a flota española”, advertiu. “Non deixen que pase o tempo e póñanse a traballar xa co sector, para que cando chegue a data non haxa que lamentar un ano máis a renovación dun acordo que prexudica enormemente á nosa flota”, pediu.
Toja denunciou que a pesar do que asegura o goberno galego, o seu diálogo coa Secretaría General de Pesca do goberno de España “non existe ou non funciona” en ningún aspecto, e puxo como exemplo claro a situación da cota da raia. As confrarías galegas pediran o peche da pesqueiría cando o consumo da cota chegase ao 70%, para deixar o 30% restante para o final de ano, e veñen de enterarse a través doutros medios de que a cota xa superou o 80% sen que ninguén os avisase.
A socialista apuntou que a actual desigualdade de condicións entre a flota galega e a portuguesa fai que en portos como o de Muros case o 80% dos barcos xa teñan bandeira portuguesa, ou que en Marín merquen barcos en Portugal para operar en augas españolas. Entre outras diferenzas, os barcos portugueses poden faenar as fins de semana mentres os galegos están amarrados, e o luns descargan nas lonxas, producindo “unha importante desvantaxe competitiva”, polo que reclaman que todos os barcos teñan o descanso da fin de semana, “un logro que acadou o sector e que mellora de xeito considerable as condicións de vida dos traballadores do mar”.
A socialista pediu “reciprocidade pura” no próximo convenio bilateral de pesca España e Portugal: descanso semanal para o arrastre, mesmos períodos de veda e mesmas medidas técnicas. “Por exemplo, se Galicia non pode usar o tren de bolos que tampouco o use a flota portuguesa”, así “evitariamos que ter bandeira doutro país sexa unha ventaxe competitiva e que se busque acubillo fóra”, dixo.
Toja reclamou reunións da Xunta co sector para establecer medidas de control “para que non volvan facer o que fixeron en 2014”, cando firmaron un acordo en decembro no que se igualaban as condicións e logo en marzo o señor Arias Cañete o modificou “pola porta de atrás”, despois dun acordo conxunto tamén no Parlamento galego que non serviu de nada. Tamén pediu coñecer os avances das últimas xuntanzas do Comité Luso Español de Pesquerías (COLEP) e que a Xunta lle traslade ao Goberno de España “de maneira contundente” as propostas realizadas polo sector en Galicia.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
