Ribadeo, 23 de xuño de 2017. Achégase o IV Ribadeo Indiano e con ese motivo Acisa e Concello convidan á cidadanía a embelecer a vila adornando con flores ou plantas os seus balcóns ou fachadas. Acisa pide a colaboración dos seus asociados e o Concello engalanará algúns edificios públicos. O alcalde, Fernando Suárez, a concelleira de Turismo, Ana Martínez, o presidente de Acisa, David Martínez, e o xerente desta asociación, Jesús Pérez, presentaron a iniciativa esta mañá.
O rexedor dixo: “aproveitando esta IV Edición do Ribadeo Indiano queremos convidar á cidadanía a embelecer o noso concello adornando con flores ou plantas os seus balcóns ou fachadas”.
Suárez Barcia sinalou que “o que pretendemos é poñer en valor os beneficios estéticos ambientais da recuperación dos balcóns e fachadas como elementos vivos da vila, porque detrás de cada balcón ornamentado existe unha contribución cidadá á mellora estética dunha rúa ou un edificio. E sobre todo, á mellora da relación veciño contorna urbana mediante unha persoal achega artística que podemos gozar todos e todas, tanto veciños/as como turistas”.
O alcalde ribadense manifestou: “queremos que este verán Ribadeo luza bonito, mostrando os encantos de pequenos recunchos que ás veces poden pasar desapercibidos. E co obxecto de promover a creatividade e fomentar a participación,animamos a colaborar neste embelecemento, tanto ás institucións públicas como privadas, asociacións de veciños, empresarios e todo propietario ou propietaria de vivenda con balcón ou edificio de calquera zona do concello, que reúna as condicións necesarias para ser decorado sen que iso supoña un perigo para a integridade do mesmo ou a dos viandantes”.
Fernando Suárez explicou que “os elementos utilizados para a ornamentación dos balcóns déixanse á libre elección dos veciños, pero sempre respectando os viarios, beirarrúas e entradas a vivendas doutros usuarios. Recomendamos que estea perfectamente ancorado calquera elemento colgado ou colocado sobre calquera estrutura que puidese precipitarse por efecto do vento, sen que a súa localización poña en risco a seguridade das persoas e cousas”.
E engadiu que “o Concello aportará o seu gran de area decorando ao longo destes días diversos edificios públicos como a Casa Consistorial ou o Teatro con ornamentación floral”.
Pola súa banda, o presidente de Acisa, David Martínez, comentou que “queremos engalanar as rúas, as casas… dunha maneira especial. As plantas de tempada daranlle un toque especial a Ribadeo. É fácil conseguir ornamentación relacionada coa época indiana e pensamos que quedaría moi ben que as casas e os negocios quedasen todos engalanados”.
Martínez pídelles “aos socios e socias de Acisa que engalen os seus negocios, comercios, hoteis, tendas, etc… quedaría todo moi bonito e moi orixinal para reforzar xa a forza e o poder que ten esta festa. E para darlle máis colorido a unha cita, que xa o ten, pero as flores e as plantas e a ornamentación daranlle un toque especial a maiores”. E lembrou que “Acisa contribuirá a engalar Ribadeo entregándolle decoración indiana aos seus asociados, de xeito totalmente gratuíto. Refírome a bandeirolas e faroliños e este ano tamén incluimos, por primeira vez follas de palmeiras”.
O presidente de Acisa pensa que o IV Ribadeo Indiano “vai ser unha festa multitudinaria, xa o foi cada ano, pero neste 2017 aínda o será máis”.
A conta atrás para o Ribadeo Indiano comezou xa. Só quedan 15 días para que a vila retorne do 7 ao 9 de xullo a aquela época.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
