Barreiros (Lugo), 23 de xuño de 2017.- A secretaria xeral de Emprego, Covadonga Toca, participou hoxe na entrega de premios do certame Cooperativismo no ensino ao CEIP San Miguel de Reinante que resultou gañador de tres galardóns ao mellor traballo cooperativo nas categorías de 1º e 2º de Educación Primaria co proxecto Cooperativa; 3º e 4º de Educación Primaria con Coope-Folk; e 5º e 6º de Educación Primaria con Non pases palabra, coopera! Ademais, obtiveron no concurso que desenvolveu a Consellería de Economía, Emprego e Industria dous accésits: na categoría de 2º ciclo de Educación Infantil por Encaixamos e na de 3º e 4º de Educación Primaria por En busca do tesouro.
Os alumnos e alumnas recibiron en total 8.000 euros (2.000 euros por cada premio ao mellor traballo cooperativo e 1.000 por cada accésit) que poderán empregar na adquisición de material escolar ou na realización de actividades formativas.
Toca felicitou aos rapaces polos traballos realizados e destacou que con esta iniciativa a Xunta fomenta entre o alumnado os valores e principios que inspiran o cooperativismo como a solidariedade, o espírito democrático, a participación, a actuación colectiva ou a solución de conflitos de forma pactada.
A secretaria xeral de Emprego tamén salientou o esforzo e implicación do profesorado que se encargou da coordinación destes proxectos e puxo en valor a importancia de participar neste tipo de actividades que promoven o traballo en equipo, a colaboración e o esforzo por alcanzar un obxectivo común. Son todos eles valores que se transmiten co cooperativismo, unha fórmula empresarial que, segundo engadiu Toca, o Goberno galego está impulsando con diversas actuacións como son a Lei de Economía Social, a Estratexia do cooperativismo ou da Rede Eusumo, formada por 191 entidades para fomentar este modelo de negocio que demostrou a súa fortaleza fronte á crise.
Tras a entrega dos galardóns, un centenar de alumnos e alumnas de infantil e primaria do centro desfrutaron da compañía teatral Xarope Tulú, que representou a súa obra Cardume, un espectáculo que combina a narración oral coa música en vivo, no que o público participa converténdose en ocasións en protagonista. A obra achega historias onde as personaxes traballan xuntos para acadar os seus soños, promovendo os valores que fomenta o cooperativismo.
Con este acto, ponse punto e final á entrega de premios de Cooperativismo no ensino, que forma parte das actividades que está levando a cabo a Consellería de Economía, Emprego e Industria, en colaboración co Consello Galego de Cooperativismo, para celebrar o mes do cooperativismo en Galicia co obxectivo de difundir as vantaxes desta fórmula empresarial e que rematará o 1 de xullo coa entrega de Premios á Cooperación 2017.
Neste certame tamén resultaron galardoados o IES Pino Manso do Porriño (Pontevedra); o CEIP plurilingüe Domaio de Moaña (Pontevedra); o IES Sanxenxo de Portonovo (Pontevedra); o CPI Monte Caxado das Pontes (A Coruña); o IES Monte Neme de Carballo (A Coruña); e o CEIP Sestelo Baión, en Vilanova de Arousa (Pontevedra).
Cooperativismo en movemento
Outra das actividades que se está desenvolvendo é o programa Cooperativismo en movemento co que se leva ás vilas galegas as vantaxes das cooperativas cunha exposición e a través da actuación do monologuista Marcos Pereiro. Esta campaña xa percorreu as localidades de Foz e Chantada, en Lugo; Pontevedra e Vilanova de Arousa, en Pontevedra; Porto do Son, na Coruña; e remata mañá no Carballiño, en Ourense.
Por último, o 30 de xuño, terá lugar unha xornada de portas abertas co obxectivo de que as cooperativas poidan mostrar o seu labor á cidadanía. Esta programación rematará o 1 de xullo coa celebración do Día do Cooperativismo en Galicia.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
