Foz, 24 de xuño de 2017. O Bloque Nacionalista Galego quere saír ao paso das últimas actuacións executadas no marco das obras de humanización da Avenida da Mariña e de xeito moi particular da corta dos magnolios de Xoán Montes, do cambio dos plans de traballo anunciados polo Alcalde de Foz, así como dos problemas que estas están xerando ao facelas coincidir co período de verán. Segundo Lorena Seivane e Teresa Rego hai “unha falta de previsión evidente por parte da Alcaldía ao facer coincidir estas obras coa época estival, momento do ano en que como consecuencia do aumento da poboación na vila, independentemente da execución de obras, se producen problemas de tránsito. A maiores dos problemas xerais para o conxunto dos veciños de Foz, non debemos esquecer os graves prexuízos que se lles crea aos comercios da localidade, dependentes en boa medida das vendas do verán para garantir a súa viabilidade”.
As concelleiras nacionalistas consideran “particularmente desafortunado que por parte do Goberno Local se procedese a cortar os magnolios que levaban máis de 20 anos plantados na Rúa Xoán Montes. Non nos vale a escusa do Alcalde de que esta é unha árbore pouco apropiada para un espazo urbano polas súas características biolóxicas, xa que este argumento utilizase por primeira vez agora cando se están a acometer as obras. A máis non é certo que sexa necesario proceder a súa corta para posibilitar o tráfico pola Rúa Xoán Montes, xa que as farolas instaladas nesta mesma rúa están aliñadas á mesma altura que as árbores e non van ser retiradas. Abondaba, se se quería facilitar o tráfico rodado na rúa, que se procedese a súa poda no fronte que dá á calzada. Ao fin esta actuación non demostra máis que a falta de sensibilidade do grupo de goberno cara o noso patrimonio”.
Lorena Seivane e Teresa Rego entenden “escandalosas as declaracións do Alcalde nas que anuncia que se van cambiar os plans de traballos inicialmente previstos para Avenida da Mariña, procedendo a executar nos meses de verao o tramo entre Xoán Montes e a Glorieta de Vilalba en contra do previsto, isto é entre García Lorca e Xóan Montes. Trátase dun claro trato de favor en beneficio duns poucos negocios, concretamente dos dous supermercados da rúa, e dun prexuízo para a maioría do comercio. O colmo do descaro chega cando o Alcalde explica esta decisión sen ningún tipo de rubor argumentando que “imos deixar libre durante todo o verán a zona intermedia, a dos supermercados”. A maiores é unha decisión absolutamente irracional, xa que na zona entre García Lorca e Xoán Montes sitúanse 6 negocios, mentres que entre Xoán Montes e a Gorieta de Vilalba atópanse 21, sendo este último tramo da Avenida da Mariña o que concentra máis negocios de todo Foz. Se o Alcalde recoñece que as obras causan problemas para o comercio, por que non ten en conta os negocios deste tramo? Que diferenza hai entre estes 21 comercios claramente prexudicados e os doutro tramo? Non pagan exactamente igual estes negocios os seus impostos en Foz como os supermercados dos que fala o Alcalde?”
O Bloque Nacionalista Galego urxe ao Alcalde a que antes de proceder a modificar a orde dos traballos na Avenida da Mariña manteña unha reunión cos veciños e cos comercios afectados a fin de buscar unha solución que non xere agravios e tratos de favor e que provoque os mínimos prexuízos posíbeis. No caso de que a Alcaldía non acepte esta proposta e siga a manter a súa actitude prepotente en relación co asunto, o BNG forzará a convocatoria dun plano extraordinario para forzar unha solución que teña en conta a opinión dos veciños e dos comercios de Foz.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
