A Mariña 26-6-17. Ante o crecente debate público sobre a lexislación relativa aos ventres de alugueiro e a inminente presentación dunha lei no Congreso dos Deputados por parte do grupo parlamentar de Ciudadanos para esta mesma semana, o Observatorio da Mariña pola Igualdade fai pública a súa postura sobre a mal chamada maternidade subrogada.
Como asociación feminista rexeitamos a legalización da práctica de alugueiro de ventres pola
mercantilización e comercialización que iso implica do corpo das mulleres así como das criaturas
xestadas.
Rexeitamos as denominacións eufemísticas de “xestación subrogada”, “xestación por subrogación”,
“xestación por substitución” ou “maternidade subrogada”, pois esconden a verdadeira natureza dunha práctica que disocia a xestación da maternidade e que pon a disposición dunhas elites os
corpos femininos e a súa capacidade de xestación.
Entendemos que os dereitos das mulleres xestantes vense vulnerados e menoscabados como resultado das relacións contratuais establecidas, sexan estas lucrativas ou altruístas: control da súa liberdade de movementos, control sobre a súa sexualidade no embarazo e control mesmo sobre as decisións médicas que deba tomar durante a xestación e parto. Do mesmo modo os dereitos das criaturas así nacidas son quebrantados pola separación da nai biolóxica, o risco de tráfico e compra-venda de criaturas e incluso a súa desproteción no caso de seren abandonadas pola parte arrendataria, en ocasións ao non asumiren problemas de saúde da criatura.
Estimamos que a maternidade ou paternidade non deben considerarse como un dereito, e por tanto a
lexislación non debe apoiar a explotación dos corpos das mulleres para garantir as arelas daquelas e daqueles que desexan exercer como nais ou pais.
Consideramos que a legalización da práctica de ventres de alugueiro deixa nunha situación de debilidade e vulnerabilidade ás mulleres no seu conxunto ao seren consideradas como meras incubadoras, perpetuar o rol de servidoras cedendo os seus corpos en beneficio de terceiras persoas, cando non intermedia compensación económica, e cousificadas nos casos nos que si hai un intercambio monetario.
Rexeitamos a legalización dos contratos efectuados no estranxeiro, pois aquelas e aqueles que deciden alugar ventres noutros países burlan a lexislación española e proceder á regularización da súa situación no territorio español non fai máis que incentivar esta práctica, calificada polo Comité de Bioética de España, no seu Informe sobre os aspectos éticos e xurídicos da maternidade subrogada nestes termos: “a maternidade subrogada internacional, na medida en que ten un carácter comercial e
recorre como xestantes a mulleres que están nunha situación económica e social de vulnerabilidade, pódese calificar na maioría dos casos como tráfico de nenos e explotación de mulleres, máis alá de que exista un marco legal que a ampare […] Soen ser países pobres e/ou nos que existen unhas enormes desigualdades sociais e económicas. Soen ser tamén países cunha cultura na que practicamente todo é susceptible de compravenda e/ou nos que a muller ten unha consideración social inferior ao varón.”
Subliñamos o pronunciamento en contra dos ventres de alugueiro por parte do Parlamento Europeo no seu Informe anual sobre os dereitos humanos e a democracia no mundo (2014) no que “condena a práctica da xestación por substitución, que é contraria á dignidade humana da muller, xa que o seu corpo e as súas funcións reprodutivas empréganse como unha materia prima; estima que debe prohibirse esta práctica, que implica a explotación das funcións reprodutivas e a utilización do corpo con fins financieiros ou de outro tipo”.
Por estes motivos o Observatorio da Mariña pola Igualdade declárase contrario á legalización dos ventres de alugueiro e pedimos ás forzas políticas presentes no Congreso dos Deputados que voten en
contra da Lei de Xestación Subrogada por considerar que é oposta aos dereitos das mulleres
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
