Alfoz 27-6-17. Representan unha boa mostra das xeracións que hoxe contan entre 20 e 30 anos; persoas novas, preparadas e dinámicas: unha deseñadora de moda (Romina Lorenzo), un filólogo de lingua inglesa (Raúl Río) e unha deseñadora gráfica (Lorena Reigosa), forman a comisión de festas que organizará o San Pedro e mais o Carme na parroquia de Mor.
Trátase dos maiordomos (nesta zona chámase maiordomos aos ramistas) máis novos que se recordan nos últimos tempos, e comezaron a xestar a idea de organizar as festas hai uns meses, cando coincidiron no equipo que representou Mor nas olimpiadas parroquiais que se celebran anualmente en Alfoz.
O verán pasado non houbo festas parroquiais en Mor por falta de voluntarios, e nesta ocasión, Romina, Lorena e Raúl, decidiron abordar o proxecto para animar a tempada estival na localidade e manter vivos os vínculos sociais da parroquia.
Tradicionalmente, a comisión que se encargaba de organizar o San Pedro, debía artellar tamén a festa do Carme, por iso a actual comisión, malia estar formada por veciños moi novos, pretende manterse fiel aos costumes da parroquia.
Unha das novidades introducidas pola actual comisión, é a confección dun libro promocional onde aparece información de todas aquelas empresas, comercios e entidades que colaboraron economicamente coas festas; na devandita publicación ofrécese tamén unha colección de fotografías antigas, tanto da parroquia de Mor como doutros lugares do municipio, xa que poñer en valor o ámbito xeográfico local é outro dos obxectivos da comisión.
A primeira celebración terá lugar o sábado 1 e o domingo 2 de xullo, días en que se honrará a San Pedro, patrón da parroquia, e a segunda será o Carme, o domingo 16 de xullo.
O sábado, día 1 de xullo, celebrarase unha misa solemne ás 12:00 h., e unha procesión, seguida da sesión vermú a cargo da orquestra “La Favorita”, este mesmo conxunto porá música á verbena nocturna.
Pensando nas preferencias do público mozo, a verbena tamén estará amenizada pola disco-móbil “Fabrik”.
Cómpre salientar que a comisión tamén pensou no lecer dos máis pequenos, pois haberá atraccións inchables á disposición de todos os nenos, totalmente gratis.
Ao día seguinte, o domingo 2 de xullo, de novo, oficiarase unha misa solemne ás 12:00 h., desta volta a sesión vermú contará coa actuación do “Dúo Epo-K”.
O domingo 16 de xullo, a parroquia de Mor volverá a estar en festas, pois chega O Carme.
Na mañá dese domingo celebraranse dúas misas solemnes, ás 9:00 e ás 12:00 h., ao remate da última ceremonia relixiosa terá lugar a procesión, e a continuación a sesión vermú coa música do trío “Lembranza”, quen tamén amenizará a verbena nocturna.
Cómpre salientar que a noite do 16 ofrecerase, no mesmo adro parroquial, unha cea gratuíta para veciños e persoas que prestaron a súa colaboración.
Outra iniciativa que se vai poñer en práctica ao longo das tres xornadas festivas, é a celebraración de sorteos entre o público asistente, pois unha das inquedanzas desta comisión, é captar e entreter os sectores de poboación que se teñen afastado das festas por non encontraren alicientes nas celebracións.
A comisión desexa agradecer a colaboración dispensada e o cariño recibido por parte dos veciños e estabelecementos comerciais da parroquia de Mor, do mesmo xeito, quere expresar o seu agradecemento ao Concello de Alfoz pola axuda prestada.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
