“O mundo é unha xungla. E se queres o meu consello Anthony, non agardes felicidade. Abandonarante, os teus amigos traizoarante e ninguén lembrará o teu nome. Morrerás nos teus propios brazos.”
– Livia Soprano, nai do capo Tony Soprano ó seu neto Anthony Junior.
Miguel Blesa de la Parra era un compañeiro, un colega. Licenciado en dereito acadou unha praza como inspector fiscal do estado mediante oposición, naquela carreira de fondo trabou amizade con José María Aznar. Sempre fidelis.
Aquel mozo que, coma a poesía, semellaba cargado de futuro, pediu a excedencia na administración pública para exercer como avogado experto en dereito financeiro e tributario: Bufete Blesa, Colmenar y Guío.
Nesa ascensión estratosférica chegou pouco máis tarde Caixa Madrid, primeiro como membro do consello de administración e finalmente, no ano 1996 e de xeito simultáneo ó nomeamento de Aznar coma presidente do goberno, como máxima autoridade da entidade. Os días de viño e rosas.
Logo chegou a cogorza da burbulla, os beneficios da Caixa duplicados en seis anos e o recoñecemento, no ano 2005, de mellor presidente de entidade financeira. A brilante xestión de Blesa levaríao tamén ó consello de administración de dúas xigantes da obra pública: FCC e ACS.
Despois, tal que no Libro das Revelacións, un coro de anxos anunciou o apocalipse: ano 2008, cheiro a naftalina nas caixas e na construción. Aquel artefacto explosivo fixo saltar polos aires o inquebrantable modelo do ladrillo.
A xustiza comezou a levantar as alfombras das caixas e saían mouchos, bruxas, sapos e curuxas. Aquí, na terriña, os directivos de Novagalicia eran condenados polo caso das indemnizacións millonarias, na meseta, os lóstregos caían sobre o noso protagonista e o gurú Rato.
En marzo de 2017 Miguel Blesa era condenado a seis anos polo caso das tarxetas black, non sendo aínda a sentencia firme. O seu entorno próximo mantiña que este depositara serias esperanzas en que o Tribunal Supremo lle dera a razón no devandito procedemento determinando a súa inocencia.
E igual que Napoleón na illa de Santa Elena, Blesa voltaba á casa, a Villanueva del Rey (Córdoba). A finca “Puerta del Toro” era un patio de recreo, un espazo onde fuxir da voráxine.
Almorzou, foi cara o coche e apareceu morto dun disparo no peito. Conxecturas aparte, os forenses determinarán as circunstancias nas que perdeu a vida. Antes, as hipóteses e especulacións xa estaban na boca de todos.
Nun intento de buscar un sentido ó exposto servidor non pode evitar sentir lástima por tipos como Urdangarín, Blesa ou López Madrid: só deron continuidade a un sistema para o que foron educados polos seus antecesores. A eterna historia do “choio” das insignes familias, a “cosa nostra”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
