Mondoñedo, 21 de xullo de 2017 .- O Goberno local agradeceu hoxe que o calendario de Feiras do Libro de Galicia incorpore este ano á cidade de Mondoñedo, que acollerá a celebración da súa Feira do Libro a vindeira semana, en concreto, os días 24, 25 e 26 de xullo, durante os que se desenvolverá un programa de actividades a través do que se acerca a lectura á cidadanía, ao tempo que se presentarán novidades editoriais dentro dun contexto de ocio con actividades para os maiores e os máis pequenos.
A voceira do Goberno local, Ángeles Rodríguez, participou esta mañá no acto de presentación deste encontro feiral que chega a Mondoñedo o luns, martes e mércores e que, segundo explicou, “os autores, creadores, libreiros e amantes da lectura terán como punto de encontro un dos enclaves máis prezados da nosa localidade, a rúa da Fonte, onde se localiza a nosa Fonte Vella, da que tanto escribiu un dos nosos escritores, Álvaro Cunqueiro Mora”.
“Álvaro Cunqueiro xunto a outros grandes poetas e escritores que naceron nesta cidade e percorreron estas rúas colocan a Mondoñedo nun lugar destacado dentro do patrimonio cultural e literario galego e nacional”, precisou a voceira, quen tivo palabras de eloxio para o potencial literario que “sempre inundou a nosa localidade”.
Desde o Goberno local destacan a importancia destas feiras como espazos para a lectura, a cultura e a educación. “Trátanse de iniciativas que permiten espertar o interese pola lectura ademais de que se converten en escaparates que axudan a dar a coñecer as novas ofertas do mundo editorial”.
Programa de actividades
Durante a presentación do encontro, celebrado esta mañá coa intervención, entre outros, da coordinadora da Federación de Libreiros de Galicia, Nani Regueira, e da xefa da Área de Cultura da Delegación Territorial da Xunta de Lugo, María José Gómez Rodríguez; a responsable municipal desexou que a Feira do Libro de Mondoñedo “teña o maior dos éxitos e animou aos cidadáns a ler e a comprar libros, xa que dende as institucións debemos favorecer a aproximación ao mundo do libro e a dinamización da lectura”.
Neste eido, o programa de actividades que se desenvolverá os próximos días 24, 25 e 26 de xullo acerca a cidadanía ás novidades editoriais no marco dun contexto de ocio no que os maiores e pequenos poderán atopar actividades e lecturas do seu interese.
A inauguración da Feira do Libro de Mondoñedo, que se celebrará na Rúa da Fonte, terá lugar o luns 24, ás 19:00 horas, da man do escritor e cronista oficial de Mondoñedo, Antonio Reigosa; coa ambientación musical a cargo da Escola de Música da localidade. O mesmo día ás 20:00 horas, desenvolverase a mesa Falando de Libros… con Antonio Reigosa e Felipe Galán, autor do El último secreto de Verne e como moderador estará Carlos G. Fernández, escritor e xornalista.
Xa o martes, o programa inclúe a presentación de Orillas de Ébano de Aida Soilán por Editorial La Plana ás 13:00 horas; ademais da celebración do obradoiro infantil Xogando coa historia, pola Nube Teatro ás 18.30 horas. unha hora despois (ás 19:30) dará comezo o Club de lectura de Mondoñedo, coordinado por Rubén Souto Gómez. Ás 20:30 horas, celebrarase de novo unha mesa de debate neste caso sobre Autoedición coa participación de Pablo Piñeiro (De tu corazón a mi libro) e Rocío López (Olvídate del cielo).
O mércores pola mañá (12:30 horas) tamén haberá un obradoiro de ilustración baixo o nome de Imaxinando sobre papel con Noemí López e xa pola tarde, as 18:30 horas, o espectáculo musical O Mundo de Carliños a cargo de Luís Vallecillo, baseado en Carlos Casares. Para pechar o día, presentarase o libro Celebración de Mondoñedo do escritor Antonio Reigosa publicado por Ediciones Embora e O tabú na traslenda de Isidro Novo por Urco Editora.
Por último, en canto ao horario da feira, esta desenvolverase en horario de mañá de 12:00 a 14:00 horas e de tarde entre as 17:30 e as 21:30 horas. O día 24, a feira abrirá pola tarde ata as 22:00 horas.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
