SANTIAGO .- O Consello da Xunta de Galicia autorizou ao Instituto Galego da Vivenda e Solo (IGVS), dependente da Consellería de Medio Ambiente, Territorio e Infraestruturas, a subscribir a ampliación de capital da sociedade Suelo Empresarial del Atlántico (SEA S.L.), na cal o IGVS participa cun 15 por cento do capital. O IGVS desembolsará 5.899.950 euros para subscribir a dita ampliación de capital.
A ampliación de capital faise necesaria polo volume de investimentos de SEA durante o 2009 e 2010. As actuacións en marcha actualmente supoñen 4 millóns de metros cadrados do solo empresarial en 14 parques industriais.
Entre as actuacións descritas estaría a seguinte:
1.-MONDOÑEDO
Investimento total: 2,3 millóns de euros
2009: 0,02 millóns de euros
2010: 0,19 millóns de euros
Superficie 70.000 metros cadrados
O GOBERNO GALEGO DESTINARÁ MÁIS DE 4,7 MILLÓNS DE EUROS A AXUDAS DO PROGRAMA DE VIVENDA EN ALUGUER NO PRIMEIRO SEMESTRE DE 2010
As subvencións dirixidas a inquilinos consisten no aboamento de entre o 50 e o 60 por cento do importe da renda, porcentaxe que pode chegar ao 80 por cento no caso das mulleres vítimas de violencia de xénero
O Instituto Galego da Vivenda e Solo destinará un total de 4.725.267,12 euros ás subvencións que se outorguen no primeiro semestre de 2010 no marco do Programa de vivenda en aluguer, cifra á cal se sumarán outros 500.000 euros destinados a subvencionar a rehabilitación de vivendas que posteriormente se poñerán en alugamento por parte dos seus propietarios.
O Consello da Xunta autorizou na súa reunión de hoxe o gasto plurianual que suporán as subvencións ao alugamento concedidas no próximo ano, dado que estas axudas se conceden por un prazo fixo de doce meses, o que supón que todas aquelas que se conceden a partir do mes de febreiro non rematan ata o ano 2011.
Desta maneira, o Consello aprobou un gasto de 4.725.267,12 euros, dos que 3.628.187,87 euros corresponden á anualidade de 2010 e os restantes 1.097.079,25 á anualidade de 2011. Ademais destinaranse 500.000 euros ás axudas concedidas aos propietarios de vivendas para a súa rehabilitación e posterior posta en réxime de aluguer a través do programa.
Tal como establece o Decreto polo que se rexe o programa de alugamento, as axudas correspondentes a 2010 serán convocadas por medio dunha orde en que se indicarán os prazos da súa solicitude. No marco deste programa, as subvencións dirixidas a inquilinos consisten no aboamento de entre o 50 e o 60 por cento do importe da renda, porcentaxe que pode chegar ao 80 por cento no caso das mulleres vítimas de violencia de xénero. En todo caso, os inquilinos deben destinar ao pagamento do aluguer, polo menos, o vinte por cento dos seus ingresos ponderados anuais.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
