Burela 24-7-17. Christian Rivas García (Burela, 1999) comeza o seu terceiro e último ano como xuvenil do Pescados Rubén Burela FS cunha grande oportunidade por diante. “O fútbol sala é a miña vida. Co fútbol sala desconecto de todo; só penso en xogar. Este ano vou dar todo min para poder ter cabida con algún minuto no equipo sénior”, confesaba o ala-peche mariñán, que realizará a pretempada co equipo de Juanma Marrube, co 7 de agosto como inicio oficial.
A que se achega non será a primeira vivencia de Pitero co conxunto sénior e volverá afrontar o reto, moi consciente das esixencias da categoría e da competición: “É un cambio moi grande, sobre todo, fisicamente. En maio puiden xogar minutos no amigable de Pontedeume; foi unha experiencia inmellorable para aprender. Quero aproveitar esta pretempada para demostrar do que son capaz e de que podo chegar a ir convocado; o ano pasado creo que non estiven á altura” explicaba o burelista, recoñecéndose máis maduro.
Despois da gran tempada 2016-17, Pitero aposta por unha nova liga repleta de ledicias na súa despedida como xuvenil: “Espero pelexar por unha nova liga; fóronse dúas referencias do equipo pero tamén chegan rapaces novos, así que pelexaremos por todo”. “Ao longo do ano vimos que as nosas posibilidades se incrementaban, aínda que tamén houbo momentos non tan doados. Chegamos á última xornada con toda a emoción; a vitoria ao Vigo na casa foi o broche da gran tempada alzando o título de División de Honra” lembraba cun sorriso a promesa laranxa, destacando entre os seus mellores recordos futbolísticos o recente título de campión de España da CNFS coa Selección Galega xunto a Nito e Edmilson e baixo a dirección de Juanma Marrube e Christian Fustes e, como non podía ser doutro xeito, o privilexio da convocatoria con España Sub-19 hai dous anos: “Foi unha gran sorpresa e unha experiencia moi enriquecedora, pero tamén moi esixente. Oxalá o poida repetir algún día” confesa así en voz alta Pitero os seus soños.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
