CERVO .- As delegacións de Cultura e de Asuntos Sociais do Concello de Cervo informan de que os gañadores do concursos de Postais do Nadal, foron Lucía Soto, Andrea López Méndez, Celtia López Martínez; a gañadora da narración contra a violencia de xénero “Carta a un Maltratador” foi Dulce Mª López Gasalla. A entrega de premios aos gañadores terá lugar o vindeiro domingo, 20 de decembro, no transcurso do Festival de Maxia que terá lugar no salón de actos da Casa da Cultura.
Nota de Prensa
ELIXIDOS OS GAÑADORES DOS CERTAMES DE POSTAIS, POESÍA E RELATO DO CONCELLO DE CERVO
Cervo, 18 de decembro de 2009.- O Concello de Cervo -a través das súas delegacións de Cultura e de Asuntos Sociais- fixo público o nome dos gañadores dos concursos de postais do Nadal, poesía infantil; e do certame de narración contra a violencia de xénero “Carta a un Maltratador”.
Os gañadores son os seguintes:
VII Concurso de Postais do Nadal
Nome e Apelidos Colexio Modalidade
Lucía Soto (*) CEIP Cervo 5 anos
Andrea López Méndez CEIP Cervo nº1 (Galdín) 8 anos
Celtia López Martínez CEIP Cervo nº1 (Galdín) 9 anos
(*) = Postal gañadora, elixida para a felicitación oficial do Concello
Concurso “Carta a un Maltratador”
Nome e Apelidos Premio
Dulce Mª López Gasalla 100,00 €
A entrega de premios aos gañadores terá lugar o vindeiro domingo, 20 de decembro, no transcurso do Festival de Maxia que terá lugar no salón de actos da Casa da Cultura a partires das sete da tarde (19.00 h.) e na que actuará o ilusionista Martín Camiña co espectáculo “Feitizo”. No acto de entrega de premios tamén haberá agasallos a todos os nenos e nenas que participaron no concurso de postais.
Feitizo
O espectáculo “Feitizo” mistura maxia, humor e a participación do público, percorrendo os diferentes estilos da arte a da ilusión.
Martín Camiña conxuga en “Feitizo” prácticas destinadas a conseguir un efecto máxico e extraordinario. Manipulación de de naipes, camisas de forza, guillotinas, panos, xornais, billetes, espadas, etc… serán só algúns dos ingredientes deste espectáculo, no que en todo momento cubertos pola música e a palabra e que levarán ao espectador a un mundo máxico e emocionante.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
