Ribadeo, 16 de agosto de 2017. O Concello realizará obras de mellora na rúa Deputación. A actuación prevé intervir nas zonas máis deterioradas e posteriormente quedará prohibido o paso aos vehículos de gran tonelaxe. O presuposto ascende a 13.000 euros, procedentes de fondos propios, e as empresas interesadas teñen de prazo ata o día 25 deste mes para presentar as súas ofertas. Estas obras levaranse a cabo durante o mes de setembro, segundo anunciou o alcalde, Fernando Suárez.
O rexedor dixo que “estamos tendo problemas desde hai tempo na rúa Deputación. Esta rúa amañouse hai sete ou oito anos, pero ultimamente temos varios problemas en parte do pavimento que están deterioradas, que se foron rompendo seguramente polo paso excesivo de camións de gran tonelaxe e estes días queremos proceder ao seu arranxo”.
Suárez Barcia explicou que “licitamos a través dun proxecto aberto que estes días está colgado no perfil do contratante, para que todas aquelas empresas que o desexen poidan participar. As interesadas teñen de prazo ata o día 25 deste mes. O presuposto ascende a 13.000 euros, procedentes de fondos propios”.
O alcalde ribadense relatou que “o que imos facer é intervir naquelas zonas do pavimento que actualmente se atopan en mal estado, reconstruíndo e reparando as afectadas cos mesmos materiais e grosores. Imos actuar sobre tramos completos sinalados polas diferentes xuntas de dilatación que hai ao longo desa rúa. Posteriormente imos pintar estes novos tramos reparados, imos colocar uns fitos tamén para que os vehículos non invadan as zonas de beirarrúa, concretamente no encontro coa rúa San Francisco. E por último imos dispoñer unhas sinais de tráfico para impedir que pasen vehículos de gran tonelaxe”.
Fernando Suárez espera que “con estas obras que se farán calculamos que en setembro, confiamos volver repoñer con toda normalidade e funcionalidade esta rúa Deputación, que é moi importante porque canaliza moito tráfico da zona das parroquias”.
O Concello realizará en setembro obras de mellora na Rúa Deputación. O investimento, de fondos propios, ascende a 13.000 euros. Suárez Barcia asegurou que esta vía está deteriorada “polo paso excesivo de camións de gran tonelaxe”
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
