Ribadeo, 11 de setembro de 2017. O salón de plenos foi escenario onte á tarde da recepción ofrecida polo Concello á delegación de Loctudy que está a pasar uns días en Ribadeo, devolvendo así a visita realizada hai un ano por un grupo de ribadenses a esta localidade da Bretaña francesa coa que a nosa vila está irmandada.
Un grupo de 35 persoas de Loctudy atópase estes días en Ribadeo e alóxase nas casas das familias que participan deste irmandamento.
O alcalde, Fernando Suárez, pronunciou unhas palabras en francés e en galego: “veciñas e veciños de Loctudy e de Ribadeo, que este intercambio e calquera outro que poida fraguarse a partir del nos permitan enriquecernos humana e culturalmente. Non hai maior riqueza que a convivencia e o intercambio de ideas e experiencias vitais; se iso logramos facelo ademais nun ambiente festivo, mellor que mellor. Moitas grazas a todos pola vosa presenza en Ribadeo e agardo vervos noutra ocasión proximamente”.
Pola súa banda, o presidente do comité de irmandamento Ribadeo-Loctudy, Anxo Martínez, sinalou que “o irmandamento continuará” e que “intentaremos melloralo con novas ideas, algunhas das cales foron tratadas na reunión entre os representantes dos nosos concellos e asociacións respectivas”. Martínez engadiu que “traballaremos por reforzar o irmandamento entre os dous concellos, sabendo ademais que contribuímos a irmandar dous pobos, galego e bretón”.
Neste senso o rexedor sinalou que “tentaremos profundizar nas relacións entre ambas vilas. Unha das posibilidades que imos analizar é a realización de intercambios culturais nos que participen rapazas e rapaces de Ribadeo e de Loctudy. Iso estudarémolo durante o inverno”.
A estadía desta delegación de Loctudy en Ribadeo remata mañá, martes. Estes días aproveitaron para visitar lugares de interese do concello e para gozar das festas patronais de Santa María do Campo.
O Concello ofreceu unha recepción á delegación de Loctudy, localidade da Bretaña francesa irmandada con Ribadeo, que estes días se atopan aquí de visita
Relacionado
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
