Burela 11-9-17. Comeza a semana máis esperada. Este non é un luns calquera. É o inicio da conta atrás para escribir unha nova tempada de soños e ilusións.
Vista Alegre abrirá a liga de Primeira RFEF o sábado ás 18.30 horas coa visita do Majadahonda FSF Afar 4. Tan só 15 minutos antes o cadro de Juanma Marrube estreará a competición de Segunda LNFS na pista do FS Valdepeñas.
Carnés xa dispoñibles
Os socios/as laranxas poden recoller o seu carné 2017-18, cun 10% de desconto no servizo de Wellness do Resort Thalasso Las Sirenas de Viveiro, na oficina da entidade (avenida Arcadio Pardiñas 91, baixo); tamén poderán facelo en Vista Alegre este sábado, coincidindo coa 1ª xornada de Primeira RFEF.
Horario de atención ao público: De luns a xoves entre as 10.00-14.00 e as 16.00-19.00 horas e os venres de 10.00 a 15.00 horas
Tarifas de socios/as para 2017-18
Individual: 80 euros
Familiar: 140 euros
Xubilado: 50 euros
Abono 25 (de 18 a 25 anos): 25 euros
PRIMEIRO PASO EN COPA GALICIA
Antes de internarse na aventura ligueira, os laranxas estrearanse en competición oficial mañá, con oitavos de Copa Galicia; mediranse ao Santa Isabel –de Autonónimica-, en Outeiro de Rei (21.00 horas), que se impuxo na primeira eliminatoria ao CP Casás (5-1).
“É o noso primeiro patido oficial; mediremonos a un rival de categoría inferior pero non por iso nos debemos confiar porque sairá coas ganas e ilusión de facer as cousas ben e sorprendernos e nós temos que demostrar a nosa condición e non conceder regalos” explicaba o meta Álex, no comezo da que será a súa terceira tempada de laranxa, amosando tamén a súa emoción polo incipiente inicio de liga: “Tivemos unha pretempada bastante dura a nivel físico, con Mera, e con moito traballo táctico, coas ideas de Juanma. Agora comeza o serio; temos moitas ganas de empezar e de que os resultados nos vaian acompañando para seguir medrando” aseguraba o 13 burelista.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
