LUGO, 19 de setembro de 2017.- Os deputados autonómicos, Encarna Amigo, Daniel Vega e Julia Rodríguez, anunciaron este martes que o Grupo Parlamentario do Partido Popular iniciará unha campaña informativa pola provincia co fin de “desmontar as numerosas mentiras” que se están a trasladar publicamente sobre a modificación da Lei de Saúde Pública por parte de certos grupos políticos, sindicatos e plataformas sanitarias. E é que para os populares, segundo destacou Amigo, sorprende “a virulencia coa que moitos se atreven a tratar alto tan importante para a sociedade en xeral”.
A primeira reunión que manterán os deputados lugueses no marco desta iniciativa será, precisamente, esta tarde, ás 20:00 horas, en Burela. A esta xuntanza están convocados alcaldes, voceiros do Partido Popular, simpatizantes, militantes e calquera persoa que desexe asistir. Proximamente, tamén se fará o msmo en Monforte de Lemos e noutros lugares onde proceda, “ou nolo demanden”, indicaron os deputados.
O primeiro que trasladarán os populares aos mariñanos é que “a nosa preocupación e obsesión como Partido é dar unha garantía pública ás persoas. Que os lucenses poidan ter acceso a un sistema sanitario de calidade e a unha asistencia tamén de calidade”. En segundo lugar, que se trata dun anteproxecto de Lei, que nin tan sequera foi aprobado polo Consello da Xunta. Que houbo un periodo de alegacións, cumprindo así coa Lei de Transparencia, “e no que, por certo, todas estas voces que se alzan na provincia para desprestixiar a acción do Goberno galego nin tan sequera se pronunciaron”, criticou Encarna Amigo.
“É dicir, saen detrás das pancartas, pero logo, onde teñen que pronunciarse, non o fan…. Cremos que con isto quedan perfectamente retratados e o fin que perseguen…”, denunciou a parlamentaria luguesa.
Reforma necesaria, con claros beneficios
En terceiro lugar, os deputados explicarán que se trata dunha modificación necesaria, pois o sistema actual ten xa 10 anos, polo que este cambio é imprescindible para garantir e ampliar o sistema de saúde pública. Ademais, os deputados explicarán que se trata dunha reforma con claros beneficios. Son os seguintes:
1º) Que os hospitais de Monforte e de A Mariña non perden autonomía
2º) Que estes centros non perdan capacidade de decisión
3º) Que non se recorta ningún servizo nos mesmos, senón que incluso gañan prestacións.
4º) Que o doente, por tanto, as persoas, son as grandes beneficiadas.
Isto será posible grazas a que se crea o distrito sanitario, que permitirá blindar por primeira vez a existencia destes dous hospitais. Por outra banda, a modificación legal, suliñou Amigo, non altera en absoluto a asignación de médico ou de hospital que na actualidade corresponde a cada paciente, nin moito menos a calidade asistencial. “Con isto, pretendemos que os profesionais se despracen aos hospitais e non sexan os doentes os que se teñan que desprazar a outros centros”, matizou.
Ademais o facultativos seguirán sen ningunha dúbida ligados á área e manterán o seu destino orixinal. “Por todo elo, chama, a atención que, cos datos da Lei na man, estes grupos actúen, repito, con tanta virulencia. Porque se alguén está obsesionado por mellorar a Sanidade provincial, ese é o Goberno de Feijóo”, insistiu.
Perda de credibilidade
Neste senso, a popular, amparándose en que “os datos sempre son os que quitan e dan razóns”, subliñou que estas manifestacións que están a liderar certos colectivos perden credibilidade “dende o momento en que “non hai máis que ver que son os mesmos politicos e as mesmas plataformas que no ano 2009 dicían que os hospitais de Monforte e de Burela ían pechar. Pero a realidade é que, estamos finalizando o 2017, e estes hospitais non só continúan abertos, senón que o de A Mariña estase ampliando e o de Monforte gañou servizos”.
Por tanto, insistiu a parlamentaria, “que veñan falando tamén de escurantismo é case que un insulto”. “Xa está ben de confundir á cidadanía e de usar como arma política algo tan serio como a Sanidade…A popular fixo esta valoración porque a Xunta de Galicia tamén expuxo aos colexios profesionais sanitarios os puntos da reforma da lei. “Aquí non hai medias verdades”, engadiu.
Aposta do Goberno de Feijóo
Para que todos os lucenses tomen conciencia de cal é o compromiso do Partido Popular con estes dous hospitais –“por suposto, un retroceso nunca o permitiriamos”, Amigo lembrou algúns dos investimentos realizados na mellora dos dous centros comarcais:
Hospital de A Mariña:
-20 millóns de euros de investimento nas obras de ampliación.
-Reforzaranse os servizos de farmacia; hospital de día; en consultas externas pasarase de 32 a 43 e de 11 a 19 gabinete de probas; crearanse 24 novas habitacóns dobres e remodelaranse outras 30 actuais para convertelas en individuais; melloraranse o tratatamento de diálise, a sala de extraccións, e incluiranse novos servizos como a construción dun heliporto; e habilitarase para os usuarios un novo aparcadoiro.
-Dende o ano 2012 ata o primeiro semestre de 2017, realizáronse un total de 12.492 consultas de anatomía patolóxica, cardioloxía, oncoloxía médica e de rehabilitación.
Hospital de Monforte:
-Investimento de máis de 1 millón de euros, que permitiu, por exemplo, adquirir un ecocardiógrafo, ademais dun detector radiolóxico dixital, un mamógrafo e facer obras en equipamento.
-Dende o ano 2012 ata o primeiro semestre de 2017, realizáronse un total de 10.440 consultas en alergoloxía, dermatoloxía, hematoloxía e oncoloxía.
“Esta é a única realidade que hai. Poderán seguir mentindo, termando das pancartas, confundindo… pero a realidade só é a que acabamos de explicar e que trasladaremos aos veciños desta provincia. A nosa obsesión é mellorar a Sanidade; do contrario, a persoa que lles fala, ao igual que todos os meus compañeiros no Parlamento de Galicia, seríamos os primeiros que nos oporíamos. Calquera opinión, achega ou plantexamento é benvido. O propio presidente Feijóo o dixo no Parlamento, pero o que é totalmente censurable é este ruído teledirixido por uns cantos para facer da Sanidade un recurso co que sacar rédito electoral e partidista”, concluíu a deputada autonómica.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
