Burela, 25 de setembro de 2017. Noelia Mª Ben, concelleira de Medio Ambiente, fai un balance positivo das actividades desenvolvidas durante a Semana da Mobilidade, que tiveron lugar do 16 ao 22 deste mes. E anuncia que no mes de outubro serán expostos na Casa da Cultura os traballos presentado ao concurso de debuxo infantil, convocado para que os máis pequenos e pequenas plasmasen o que é para eles a mobilidade.
A edil burelesa declarou que “estamos moi contentos pola gran participación e implicación de todos os colectivos durante a Semana. Cada ano facemos unha semana con máis actividades. Neste caso tivemos un taller coa Asociación Stop Accidentes, que se levou a cabo cos alumnos de 4º da ESO dos IES de Burela. Foi algo que nos pareceu de gran interese, e esperamos poder seguir colaborando con eles. Outra das novidades foi o taller de Plantas Aromáticas e Medicinais, ofertamos 20 prazas e cubríronse todas, a xente saíu moi contenta e mostrounos o seu interese en participar en actividades deste tipo”.
Noelia Mª Ben dixo que “dende a miña Delegación estamos elaborando unha programación de actividades para a poboación adulta, a miña intención é ofertar unha actividade por mes como mínimo. No que respecta ás actividades destinadas á poboación infantil sempre temos unha gran participación, este ano por primeira vez fixemos un concurso de debuxo infantil no que os rapaces plasmaron o que é para eles a mobilidade, o resultado gustounos moito e imos expor os debuxos na Casa da Cultura dende o 9 de outubro ata finais de mes”.
A concelleira de Medio Ambiente tivo tamén palabras de agradecemento para todos os colectivos e asociacións que se sumaron á Semana da Mobilidade e para os traballadores do Concello de Burela: “gustaríame aproveitar esta ocasión para darlles as grazas a todas as asociacións, colectivos e traballadores do Concello que fixeron posible levar a cabo unha programación tan ampla e variada durante toda a Semana da Mobilidade, que esperamos poder seguir mellorando ano tras ano. E para rematar animar á xente a utilizar menos o coche para traxectos curtos e apostar por camiñar, que sen dúbida é moito mellor para todos, incluído o medio ambiente”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
