Lugo, 2 de outubro de 2017. O Deputado de Relacións Institucionais, Álvaro Santos Ramos; o Alcalde de Burela, Alfredo Llano García; o Concelleiro de Deportes de Burela, Ramiro Fernández García; e o Presidente do SD Porto Burela, Xosé Manuel Ares Maseda, presentaron este luns no Salón de Actos do Pazo de San Marcos, unha nova edición da Marosa Cup. Trátase do torneo de fútbol base que organiza o SD Porto de Burela e que terá lugar os días 7 e 8 de outubro nas instalacións deportivas da Marosa. Na competición participarán preto de 600 xogadores, de entre 4 e 12 anos, de toda a provincia e Galicia.
O Executivo Provincial colabora con esta competición e outras actividades deportivas no municipio mariñán, cunha achega económica de 8.000 euros, dentro da súa aposta pola celebración de eventos lúdicos e deportivos nos diferentes Concellos da provincia, como unha das liñas do seu Plan Estratéxico de Turismo.
Santos Ramos apuntou que “colaboramos con este tipo de iniciativas que poñen no mapa do deporte, xa non só de Galicia, senón de todo o país, ao Concello de Burela e á nosa provincia, o que de seguro axudará a impulsar o turismo e a economía local durante a vindeira fin de semana, pois reuniranse máis de 2.000 persoas no Campo da Marosa”. O Deputado lembrou tamén o compromiso do Executivo Provincial con este tipo de eventos “que traballan en favor dos máis novos, inculcando valores tan importantes como a solidariedade, o esforzo e o compañeirismo. Por este motivo, somos a Deputación Galega que máis inviste en Deporte, co obxectivo de fomentar o deporte base e promover hábitos de vida saudables na nosa provincia”.
Pola súa banda, Llano García agradeceu a colaboración do Executivo Provincial e subliñou que “este tipo de eventos son unha oportunidade única para impulsar e apoiar o deporte base, ao tempo que damos a coñecer a beleza e características do noso Concello, e deste xeito, da Mariña lucense, a todos os turistas que se acheguen esta fin de semana”.
Torneo Marosa Cup
A III edición do torneo da Marosa Cup, que organiza dende os seus inicios o SD Porto de Burela, reunirá a máis de 30 equipos de 4 categorías de fútbol base: iniciación, prebenxamín, benxamín e alevín. Para facer máis dinámica a competición, haberá unha fase de grupos, e os dous primeiros de cada grupo clasificaranse para as eliminatorias, que serán a partido único. A Duración dos encontros será de 20 minutos, con 5 minutos de descanso. Como novidade, este ano a organización decidiu realizar un triangular de fútbol veterano.
Equipos participantes
– Burela A e B
– C.D. Lugo A e B
– R.C. Deportivo de la Coruña
– Viveiro CF A e B
– Pescados Rubén A e B
– Santiago de Foz
– Polideportivo Lucense A e B
– Ribadeo FC
– SCD Milagrosa
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
