Mondoñedo, 4 de outubro de 2017.-O Goberno local do Concello de Mondoñedo mellorará a convivencia entre peóns e vehículos coa ampliación do número de prazas de aparcamento no casco histórico. Isto será posible grazas á compra dunha nova finca de 1.539 metros cadrados en Casas Novas que se vén a unir a outra adquirida o pasado ano, coñecida como a finca de Jesús Rivas, máis á cedida pola Xunta ao lado da Igrexa Nova.
O Goberno local plantea habilitar un aparcamento que abarca as tres parcelas e que permitirá crear 121 prazas para uso dos vehículos. A finca adquirida onte suma 2.328 metros cadrados, aos que sumar 1.070 e 400 m² das outras dúas parcelas.
Creación dunha mesa de traballo
A rexedora avanza a posta en marcha dunha mesa de traballo para modificar a ordenanza de tráfico e adaptala á nova realidade. Así, convida a todas as forzas políticas, a agrupación de taxis, a Policía Local e ás asociacións de comerciantes e cultura a formar parte deste proxecto que permita contar cunha cidade máis habitable e un tráfico fluído, beneficioso tanto para os vehículos como para os viandantes.
A rexedora remarca o interese do seu Goberno por ser unha cidade “con oportunidades”, polo que pon en valor este investimento que capitaliza o Concello e que incidirá directamente en revalorizar unha zona moi importante de Mondoñedo.
A última adquisición do Concello
A finca adquirida onte polo Concello atópase en Travesía Casas Novas, ao lado dos terreos que Educación cedeu no recinto da Granxa, preto da igrexa nova. A ampliación desta zona permitirá ademais facilitar a entrada e saída do recinto, así como aumentar o número de espazos nos que poder aparcar. O Concello conta así con tres parcelas na zona que destinará ao estacionamento de vehículos nas que se farán obras de acondicionamento que garantan as condicións de estanqueidade, estabilidade e ornato público.
A alcaldesa, a popular Elena Candia, explica que se trata dun paso “importantísimo” para a cidade, que permitirá avanzar na posta por en valor do casco histórico, así como unha organización fluída do tráfico rodado.
Impulso ao casco histórico
Este obxectivo será posible tamén en virtude dun protocolo asinado co Ministerio de Fomento para a posta en valor do casco histórico. Desde o Concello aseguran que todas as medidas postas en marcha polo Executivo local están encamiñadas a rehabilitar e mellorar o casco histórico da localidade, tanto para os veciños e veciñas como para os visitantes. Así, recordan o protocolo asinado con Fomento para avanzar nesta fin, o que favoreceu importantes actuacións na Rúa Lence Santar ou o acondicionamento da travesía Casas Novas, entre outros.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
