A MARIÑA, 6 de outubro de 2017.- O deputado autonómico e secretario de Organización, Daniel Vega, pregúntase que interese teñen “os sujeta-pancartas, cando eles mesmos saben que, coa reforma sanitaria, os pacientes son os grandes beneficiarios”. O popular censura deste xeito que certos alcaldes e membros de sindicatos “estean a participar nun xogo cuxo fin último é enganar á cidadanía”; sobre todo, aclara, “cando son os mesmos que en 2008 querían e defendían unha área con Ferrol”.
“Estes sujeta-pancartas deben dar explicacións públicas de que é o que pretenden con isto, ou mellor dito, de que é o que queren. Hai 9 anos dicían unha cousa e hoxe din outra moi diferente. Esta é a incongruencia destes falsos profetas que non teñen credibilidade ningunha, pois a norma reforza a función e autonomía do hospital”.
E é que, tal e como xa manifestaron en varias comparecencias públicas distintos representantes do Partido Popular, incluso o propio presidente da Xunta no debate do Estado de Autonomía, os centros comarcais non van perder servizos, senón que os gañan e, o que é máis importante, que evitan que os cidadáns se teñan que desprazar a outros hospitais. No caso de A Mariña, sería ao HULA.
Por tanto, Daniel Vega critica que se congratulen do éxito da concentración, cando se pode comprobar que estes “sujeta-pancartas” mobilizaron xente doutros lugares como pode ser Monforte de Lemos ou incluso o Barco de Valdeorras; cuestión “que demostra o afán que perseguen”. “Unhas 2.000 persoas manifestándose nunha poboación de 80.0000 que é a que dá servizo o noso hospital xa o di todo”, indica.
Así de contundente se manifesta o secretario de Organización do Partido Popular e deputado autonómico, pois todos os veciños de A Mariña saben que o investimento que o Goberno galego está a facer no hospital de A Mariña, e que ascende a 20 millóns de euros, é o maior realizado por esta administración nos últimos tempos. “O tempo é o que dá e quita razóns…. Cando un pasa a ser coñecido por ser un sujeta-pancartas pouca credibilidade ten e pouco percorrido político ten”, afirma.
Neste senso, lamenta que “se atrevan” a cuestionar o traballo da xerencia ou da dirección do hospital, cando “son profesionais que están a facer un excelente traballo e estanse a deixar a pel para que os mariñanos dispoñamos dunha boa calidade asistencial”.
“Insisto, estamos diante duns sujeta-pancartas que, como a propia palabra indica, buscan o seu minuto de gloria cunha foto. Fronte a isto, dende o Partido Popular e dende a Xunta de Galicia seguiremos pelexando, traballando e arrimando o hombro para que todos os galegos sigamos tendo un dos mellores sistemas sanitarios de Europa”, subraia.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
