Burela 6-10-17. Na manifestación participou xente dos mais diversos sectores da sociedade mariñá, sen distinción de ningún tipo, que pacífica e democráticamente percorreron as rúas de Burela desde o Hospital ata a Praza do Concello.
A Mariña, 6 de outubro 2017. A Plataforma Sanitaria amósase moi satisfeita coa resposta das e dos veciños da Mariña, que no día de onte saíron de forma multitudinaria á rúa para defender a sanidade pública e para rexeitar a desaparición da área sanitaria, e afirman que a masiva mobilización cidadá tén que facer repensar ao Partido Popular a súa intención de eliminar a Área Sanitaria da comarca.
“Cremos que quen toma as decisións debe escoitar á xente.As maiorías absolutas otorgan o poder de gobernar, pero non dan razóns absolutas” afirmaron dende a Plataforma.
A Plataforma Sanitaria agradece a todas e todos os asistentes que deixaran as súas obrigas para acudir á mobilización
Dende a Plataforma Sanitaria manifestaron o seu enorme agradecemento a todas e todos os que se achegaron, pois moitas veces non é doado polas obrigas laborais , familiares e de calquera outro ámbito, e extenderon tamén o seu agradecemento @s comerciantes que apoiaron a mobilización, @s traballador@s de Alcoa, ás asociacións, colectivos, sindicatos e partidos políticos, Xunta de Persoal, concellos que aprobaron mocións en defensa da Área, cuxos alcaldes e alcaldesas acudiron á manifestación, representantes da Plataforma Sanitaria de Monforte e representantes da CIG-saúde das comarcas de Valdeorras e Ferrolterra. Entre os agradecementos a colectivos e asociacións enumerados onte na lectura do manifesto, desde a Plataforma queren facer unha especial mención ao Observatorio da Mariña pola Igualdade que desde o primeiro día participou activamente en todas as labores da Plataforma, e ontes non foi mencionado por erro ou despiste.
O traballo da Plataforma e a loita da sociedade mariñá para manter a Area Sanitaria vai continuar.
Así o afirmaron tamén desde a Plataforma, polo que a labor informativa e reivindicativa vai seguir adiante, sobre todo tendo en conta que ainda está pendente o trámite parlamentario desde Anteproxecto de Lei, tan lesivo para a asistencia sanitaria na comarca, e que tanta preocupación e malestar está a crear entre a poboación.
Desde a Plataforma agardan que os representantes políticos do Partido Popular estean á altura dos cargos que desempeñan e deixen de descalificar e insultar á sociedade mariñá.
Desde a Plataforma agardan que os representantes políticos do Partido Popular estean á altura dos cargos que desempeñan e deixen de descalificar e insultar á sociedade mariñá. “A comarca xa falou, manifestouse e maniféstase, e naide a poderá silenciar. Desde a Plataforma ofrecímoslle ao PP no seu día a posibilidade de realizar un debate público sobre a reforma da Lei de Saúde e o PP negouse. Polo tanto pedímoslle que polo menos respeten aos cidadáns, tanto aos que os votaron coma @s que non os votaro, e deixen de insultalos”, concluiron desde a Plataforma.
A plataforma sanitaria afirma que este xoves A Mariña deu un paso moi importante para evitar a desaparición da área sanitaria coa masiva asistencia á mobilización
Relacionado
-
Barreiros insta á Xunta a rectificar a exclusión dos campamentos municipais do Bono Concilia Familias 2026
-
O Grupo Socialista reclama ao Goberno de Viveiro a limpeza preventiva de sumidoiros, avances nas xestións con Portos de Galicia e unha actuación integral nos viais de Pallaregas–Vieiro
-
San Román de Vilaestrofe celebra as festas do Pilar e do Carme os días 11 e 12 de outubro
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
