LOURENZA, 9 de outubro de 2017.- O deputado no Parlamento de Galicia, Daniel Vega, lembrou en Lourenzá que a reforma sanitaria ten como obxectivos primordiais beneficiar aos pacientes e reforzar o funcionamento do hospital. O popular fixo esta valoración durante a reunión que mantivo a última hora desta tarde con afiliados e simpatizantes da zona, e coa que retomou os encontros que os deputados desta formación política veñen mantendo nos últimos meses coas distintas agrupacións de A Mariña.
Deste xeito, Daniel Vega trasladou aos asistentes a importancia “de que non vos deixedes enganar, pois os mesmos que encabezan as manifestacións, son os que con anterioridade defendían unha área con Ferrol, e o único que perseguen é confundir aos cidadáns da comarca”. Proba delo, é que os grupos políticos da oposición votaron en contra da proposta presentada polo Grupo Parlamentario do PP, na que se sometía aprobación “a blindaxe” dos hospitais comarcais. “Aquí se viu claramente quen defende a Sanidade e quen non”, afirmou Vega.
Neste senso, non dubidou en restar credibilidade ao suposto éxito da concentración do outro día, xa que o número de participantes tan só representa un 2,5% da poboación total que atende o hospital.
Apoio indiscutible da Xunta de Galicia
A xuntanza, que se enmarca dentro da serie de reunións que o representante na Cámara galega está a manter coas distintas agrupacións e compañeiros do PP desa comarca para escoitar e recoller as súas propostas e demandas, tamén expuxo aos asistentes o importante investimento que a Xunta de Galicia está a realizar neste municipio, facendo unha clara aposta polos sectores produtivos da zona, o emprego e a mellora da calidade de vida no rural.
En total, o Goberno galego destina preto de 1 millón de euros á potenciar a agricultura, a través das axudas concedidas para o desenvolvemento da festa da faba, das da PAC e das dirixidas ás pequenas explotación, así como a outras actuacións. É o caso das realizadas no polideportivo municipal e no CEIP Juan Rey; na mellora de camiños rurais, a través do Plan Marco; no contorno do mosteiro de San Salvador e na sinalización e melloras do Camiño, ou o obradoiro de emprego, que este municipio comparte con Lourenzá.
“Seriedade e cordura”
Daniel Vega contrapuxo así “a forma de gobernar que temos uns e outros”, insistindo na “idea de unión da que carecen outros partidos e que, sen embargo, é patente no Partido Popular”; o que permite, dixo, “realizar todas estas inversións, grazas á xestión dun Goberno que traballa cunha folla de ruta clara”.
“Fronte a eles, e non hai máis que ver o que está a pasar co Goberno local, que acaba de quedarse en minoría, nós temos unha base que sabemos que seguirá respostando ás demandas dos cidadáns”, destacou.
A este respecto, o deputado remarcou que, “cando un Partido demostra seriedade e cordura, é que funciona”, pois “a alternativa que ofrece neste caso o Partido Socialista é a incertidume interna”. “Cando dentro da casa non son capaces de xestionar, moito menos o serán se acadan responsabilidades de goberno”, concluiu.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
