Lugo, 2 de novembro de 2017.- A Consellería de Medio Ambiente e Ordenación do Territorio distribuirá 428 contedores de envases (amarelo) e papel-cartón (azul) entre 25 concellos lucenses co fin de incrementar as súas taxas de reciclaxe.
O delegado territorial da Xunta en Lugo, José Manuel Balseiro, explicou que a iniciativa supón un investimento de 113.980 euros. Conforme ás solicitudes dos concellos, a gran maioría dos novos contedores -335 en concreto- destinaranse á recollida de envases lixeiros -plásticos, latas, brics…-, e os outros 93 para papel e cartón (achégase táboa informativa).
Este reparto de contedores ven acompañado doutras medidas que pon en marcha a Consellería para incrementar as taxas de reciclaxe na provincia.
Así, dende mañá venres e ata o día 8 de novembro permanecerá en Vilalba o punto de información da campaña O que se enchufa, recíclase, un proxecto no que se invisten preto de 700.000 euros e que permite desenvolver accións formativas nas localidades galegas de máis de 4.000 habitantes.
A campaña pretende sensibilizar sobre a necesidade de reciclar os aparellos electrónicos e achega información útil, como os puntos de reciclaxe que existen en cada localidade. En Vilalba hai tres establecementos adheridos, segundo se pode consultar na web www.oqueseenchufareciclase.gal; a información tamén está nas redes sociais, a través de facebook.com/RAEEGALICIA e twitter.com/RAEE_GAL.
Esta iniciativa xa visitou a capital lucense e percorrerá, nas vindeiras semanas, outras sete localidades da provincia.
Do mesmo xeito, a Consellería desenvolverá en colaboración con Ecoembes o proxecto Horeca, para fomentar que os negocios de hostalería, restauración e catering realicen unha separación de envases en orixe.
Mediante esta iniciativa, os empresarios que voluntariamente se adhiran ao proxecto recibirán formación para a correcta separación de envases en orixe e se lles dotará cos cubos necesarios, ao tempo que se lles fará entrega do distintivo de Ecohosteleiro. O importe desta actuación é de 250.000 euros.
Outras das accións que se promoverá é unha campaña para o fomento da reciclaxe en feiras, feiróns e eventos gastroculturales, que xa está adxudicada por un importe de 300.000 euros e que se prolongará ata o próximo ano. O principal obxectivo desta acción é realizar un labor de concienciación e información para fomentar entre a cidadanía unha correcta reciclaxe dos envases.
José Manuel Balseiro subliñou que a Xunta está a realizar un importante esforzo de cara a promover a economía circular, “traducindo a feitos concretos o Plan de xestión de residuos urbanos de Galicia 2010-2022”, que establece as bases para impulsar o tratamento de residuos domésticos cara a un escenario máis sostible, e traballando na futura Estratexia galega de Economía Circular “mediante a cal preténdese abandonar o caduco sistema lineal de fabricar-usar-tirar por un sistema que permita o máximo aproveitamento dos produtos”, afirmou.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
