Lourenzá, 2 de novembro de 2017. O equipo de goberno socialista do Concello de Lourenzá, formado por Rocío López García, Manuel Arango Ron, Mercedes Dengra Sixto, Carlos Rivas Rivas e Miguel Castrillón Fernández, pídelle respecto e lealdade ao ex concelleiro socialista Francisco Dasilva.
Os cinco membros do goberno municipal explican que “a alcaldesa de Lourenzá, Rocío López García, publicou unha nota de prensa hai uns días dando conta dunhas actuacións da Concellería de Deportes, da que nestes momentos é ela a responsable. Tanto nesta nota de prensa como na que enviou aos medios de comunicación despois da dimisión do concelleiro de Deportes foi moi respectuosa coa persoa e coa actuación do señor Dasilva. É por iso que nos sorprende a dureza e a falta de respecto da resposta que lle dá o ex concelleiro socialista, xa convertido, por propia vontade, en tránsfuga. Segundo a RAE, tránsfuga é a persoa que cun cargo público non abandona este ao separarse do partido que o presentou como candidato”.
Os membros do equipo de goberno no Concello de Lourenzá engaden que “a un político o primeiro que se lle debe pedir é que sexa leal e fiable. Os electores non poden entender, de ningunha maneira, a posición dun tránsfuga, porque non deixa de ser unha traizón á intencionalidade do voto. A historia, frase bastante empregada e ás veces non moi ben, porá a cada un no seu lugar. Uns manterémonos sempre na mesma posición, traballando e defendendo os intereses dos nosos veciños e veciñas. Outros, dando bandazos pola vida en función dos intereses particulares”.
Para rematar manifestan: “desde o grupo municipal socialista e tamén desde os compañeiros e compañeiras da agrupación local pedímoslle ao señor Dasilva que reflexione, que aínda está a tempo de retirar a renuncia e seguir traballando dentro do proxecto socialista. De non ser así, pensamos que debe devolver a acta de concelleiro e non pasar a historia local sinalado como traidor á ideoloxía e aos principios polos que foi elixido polos veciños e veciñas de Lourenzá”.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
