O Pescados Rubén Burela FS pechou este mediodía a xornada 8 con tres puntos de infarto na pista de Móstoles (2-3) que o ruben ao coliderado, empatado a 21 puntos co Atlético de Madrid Navalcarnero, que tamén venceu hoxe, con 4-0 fronte ao Universidad de Alicante. Logo de comezar contracorreente no marcador, pelexando polas táboas durante os corenta minutos, un gol de Lara, a falta de 5 segundos para o desenlace, deulles o triunfo ás de Julio Delgado e Lucas, un triunfo polo que non deixaron de pelexar en ningún momento as Guerreiras Laranxas.
As locais adiantáronse cun gol de Inma a pase da ex burelista Shiori Nakajima, no minuto 4, nunha situación sobre a que xa traballaran as filas mariñás, aínda que no partido non puideron evitalo. Fíxose esperar moito o empate das galegas, nunha cita na que dispuxeron de numerosísimas ocasións, sen exactitude no último pase. A falta de dous minutos e medio, Lara aproveitou un rexeite na área mostoleña para o 1-1. Nos últimos intres Miriam, baixo paus, evitou con solvencia o que podería ser o segundo do Pescados Rubén, para marchar ao descanso con vantaxe.
Na segunda parte, o Burela FS continuou levando o peso do partido, saíu máis forte, cunha defensa alta, aínda que a finalización volveu resistirse ante un rival que só conseguía facer algo de dano á contra. Así, Patri Chamorro subiu o 2-1 anotando desde o seu propio campo tras roubo con xogo de cinco laranxa. A falta de case minuto e medio para a bucina final, as pupilas de Julio Delgado e Lucas recuperaron as táboas ao marcador con porteira xogadora nun balón que Julia Forsiuk coou ao segundo pau. Optou o Móstoles por ataque de cinco, cunha presión asfixiante do Burela. Aguantaron as da Mariña, con Jozi moi atenta, e cazaron ao voo a súa oportunidade de ouro; a tan só 5 segundos para o final, o Pescaods Rubén arrebatoulle o partido e os puntos ao Móstoles, de novo nas zapatillas da viveirense Lara.
Ficha técnica
Móstoles FSF: Miri, Patri Chamorro, Shiori, Inma, Carmen Alonso, cinco inicial; tamén xogaron Celia, María Otero, Alba Pena, Ballesteros, Rocío
Pescados Rubén Burela FS: Jozi, Dany, Cilene, Sara Correia, Bea Mateos, cinco inicial; tamén xogaron Lara, Julia Forsiuk, Sofía
Goles: 1-0, minuto 4, Inma; 1-1, minuto 18, Lara; 2-1, minuto 34, Patri Chamorro; 2-2, minuto 39, Julia Forsiuk; 2-3, minuto 40, Lara
Árbitros: Alonso Abad // Arquero Jordan. Por Burela amarela a Bea Mateos (minuto 18).
Incidencias: Partido da oitava xornada de Primeira División RFEF disputado en Villafontana.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
