Foz 9/11/2017.- No día de hoxe é noticia no concello de Foz a inauguración, este sábado, da reforma do pavillón de Marzán, e unha vez mais nun novo alarde de cinismo o Alcalde de Foz, minte cando di que esa obra que se fixo con cargo ao remanente, “foi posible co apoio do BNG e coa oposición de FPF e do PSOE”
É falso dicir que o PSOE estivo en contra da obra do pavillón, que si consideramos que era moi necesaria.
Obvia o Alcalde, que a oposición do PSOE, nunca foi a usar o remanente nesa obra, senón que para aprobar ese investimento para o pavillón era requisito previo e imprescindible, que se aprobarán as facturas con reparos de intervención, moitas delas de obras que o Sr. Alcalde fracciona para non ter que sacar a concurso público. Daquela propúxoselle que separase as facturas con reparos si quería contar co voto favorable do PSOE e estudialas unha por unha, pero non quixo e, dende logo, o PSOE non vai dar o seu voto para favorecer os amiguismos do alcalde.
O que non nos parecía, nin nos parece normal, é que para unha obra con un custe tan elevado, 600.000€ era o orzamentado na proposta da alcaldía, non se pedise ningún tipo de colaboración ou axuda a outras administracións, á Xunta, á Deputación e na súa totalidade sexa sufragada exclusivamente con cargo as arcas do Concello e exemplos ten, a nova Piraguera con fondos da Deputación, a Avda da Mariña, con fondos da Xunta, Álvaro Cunqueiro, con fondos da Deputación e Concello, a próxima reforma do campo de fútbol Martinez Otero, con fondos da Deputación.
Gastar eses cartos nunha reforma, única e exclusivamente, con cargo aos orzamentos do Concello é unha barbaridade e así llo fixo saber no pleno o PSOE, algo que dista moito de dicir que o PSOE se opuxo á obra.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
