Ribadeo, 23 de novembro de 2017. A Asociación de Profesores de Automoción de Galicia (APAGA) organiza este sábado, 25 de novembro, diversas actividades enmarcadas na II Semana Europea da Formación Profesional. Os actos, que se desenvolverán nas instalacións do hotel O Cabazo en Ribadeo, comezarán ás dez da mañá co relato das experiencias dos profesores que participaron no Erasmus + en diferentes países europeos. Ademais participará o director do C.F.P. Zanardelli, de Brescia (Italia), que falará da organización da formación profesional en Italia e das ferramentas contra o abandono e o fracaso escolar neste nivel.
O presidente de APAGA, Álvaro Doural, explicou que “neste ano que está rematando agora, se vai repetir a estrutura un pouco da que foi o ano pasado a primeira Semana Europea da Formación Profesional. Este ano imos tamén participar. Esta actividade é unha das mil e pico que nesta semana na que estamos se está celebrando en toda Europa coa idea de fortalecer ao máximo posible a Formación Profesional”.
Doural detallou que “nós aquí deseñamos unha serie de actividades que teñen o título de El aprendizaje y la formación en la formación profesional. A actividade estes días se vai desenrolar o sábado, 25 de novembro. Comezará ás dez informando dunha serie de proxectos que remataron e outros que se van iniciar dentro do Erasmus +, no que atinxe á formación profesional. Esta primeira parte da actividade que vai chegar ata ás doce e media da mañá, vai contemplar tres apartados. Un apartado no que se vai falar das experiencias que tiveron os profesores no proxecto que rematou a finais de outubro de mobilidade de profesores. Os compañeiros que foron a Finlandia, que foron a Alemaña e que foron a Italia, van expoñer a súa experiencia apoiándose na memoria que eles fixeron desa semana de formación neses países”.
O presidente de APAGA engadiu que “vai haber tamén unha presentación dos materiais que se elaboraron no proxecto Networdingonmobility. Hai unha páxina web que se creou para este proxecto no cal todo o mundo que queira pode descargar os materiais, unha serie de seis libros electrónicos que están en inglés, sobre determinados temas do automóbil, sobre diagnose, os distintos tipos de chasis, motores,… iso está ao alcance de calquera, é unha descarga gratuíta, e entrando na páxina de APAGA hai un enlace que nos leva a esta páxina na cal podemos descargar eses libros. Nesta primeira parte imos ter a presentación do proxecto que se vai desenvolver no 2018 e que se titula Mejorando las aptitudes y competencias claves en la FP. É un proxecto que ten once mobilidades a distintos países da Unión Europea, cunha mesma estrutura pero con outros campos de traballo”.
Álvaro Doural seguiu a relatar que “a partir das doce e media imos contar coa presenza do director do centro de formación profesional Zanardelli, de Brescia, na zona norte de Italia. Vai falar sobre a organización da formación profesional en Italia, a relación coa empresa, o nivel de inserción laboral e as ferramentas que eles están utilizando para resolver un tema francamente moi preocupante, non soamente en España senón noutros países, que é o abandono e fracaso escolar na formación profesional”.
O responsable da Asociación de Profesores de Automoción de Galicia contou que “a xente que vai participar son socios da asociación e representantes dos 27 centros que están no consorcio de mobilidade con nós, é dicir que vai haber representación de centros de Coruña, Pontevedra, Ourense, Lugo e Avilés, e por teleconferencia conectaremos cos nosos compañeiros que están en Pamplona, Murcia, Madrid e Castela-León. Eles van seguir vía internet a sesión, e presentes contamos entre corenta e cincuenta persoas”.
ÚLTIMA HORA
- A romaría de Monte Castelo celebrarase en Burela os días 24, 25 e 26 de xullo cun programa cheo de actividades para todos os públicos
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais. - Excursión da Escola Infantil Municipal de Cervo a Marcelle Natureza
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades. - A Presidenta da Deputación, Carmela López, xunto ao Alcalde de Foz e Deputado provincial, Francisco Cajoto, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia. - O Centro de Interpretación do Alto Miño, na Pastoriza, acolle a exposición Fauna esencial
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural. - O delegado territorial da Xunta en Lugo, Alfonso Villares, asistiu aos actos de conmemoración da Virxe do Carme que se celebran en San Cibrao, organizados polo concello de Cervo coa colaboración de diversos colectivos culturais e sociais do municipio
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura. - O Concello de Ribadeo permitiralles aos locais hostaleiros a colocación de televisións nas súas terrazas para ver a final do Mundial de Fútbol, que terá lugar este domingo, 19 de xullo, ás 21:00 horas
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme. - O Festival Aires do Masma celebra a súa XXV edición, cumprindo cuarto século de divulgación da cultura galega a través da música e do baile tradicional
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
2021 Crónica 3 A Mariña - Implementado por GaliciaDigital