CERVO .- O alcalde de Cervo, Alfonso Villares, dubida do interese da Deputación de Lugo en colaborar cos concellos da Mariña para por en valor os areais do litoral lucense.
Nota de Prensa
O rexedor lembra que o organismo provincial leva dende hai dous anos denegándolle ao Concello a utilización dunha motoniveladora para adecentar os areais cervenses
VILLARES NEGA O INTERESE DA DEPUTACIÓN EN FOMENTAR A CALIDADE DAS PRAIAS DO CONCELLO
Cervo, 8 de xaneiro de 2010.- O alcalde de Cervo, Alfonso Villares, negou hoxe que a Deputación de Lugo tivera interese en colaborar cos concellos da Mariña para por en valor os areais do litoral lucense. O rexedor cervense apoiou as súas manifestacións lembrando que os actuais rexedores do organismo provincial levan denegándolle ao concello a cesión dunha pala motoniveladora para adecentar os areais do termo municipal nas datas previas ao verán dende que accederon ao poder na Deputación. “Levamos dous anos solicitándolles por escrito a utilización desta maquinaria igual que o facíamos cos anteriores responsables provinciais, pero dende que accederon ao poder nunca nos contestaron. Tan só se limitaron a utilizar de xeito covarde o silencio administrativo para denegarnos a cesión por un par de días dunha maquinaria que é propiedade do parque provincial e que debería estar ao servizo de tódolos concellos da provincia sen excepción”.
Para Villares, este “nula colaboración” do ente provincial con Cervo deixa en evidencia cal é o compromiso real dos actuais gobernantes da Deputación en materia medioambiental e de promoción do litoral lucense con algúns dos municipios costeiros. “Por iso, dubidamos que as súas intencións nesta materia sexan realmente con ánimo de colaborar, se non máis ben parece que pretenden polemizar e confrontar interesadamente ás institucións co obxecto de sacar rendibilidade política a través de manifestacións sesgadas na prensa”.
Plan de Praias
Neste senso lembrou que a proposta feita polo Presidente da Deputación o pasado mes de outubro nunha visita á Mariña limitábase a financiar os custes iniciais para acadar estas certificacións de calidade, pero non asumía o financiamento das posteriores auditorías ás que terán que enfrontarse anualmente os concellos se queren renovar estes distintivos ”e que viría a supoñer un custe entre 5.000 ou 6.000 euros en cada un dos casos; ou incluso máis, dependendo do número de praias que se tivera que auditar” asegurou Villares.
O alcalde cervense sinalou que o grupo de Goberno local leva traballando dende hai moito tempo na mellora da calidade das praias ao abeiro dos distintivos das Bandeiras Azuis promovidas pola asociación ADEAC, “galardóns sobradamente contrastados e recoñecidos tanto polos nosos veciños como polos visitantes. Por iso, despois de sopesar a proposta provincial, decidimos declinar a súa oferta sen pretender polemizar en ningún momento cos seus promotores, aínda que parece que eles o único que lles move é intentar buscar a confrontación e entre Administracións en lugar de adicarse ao servizo público como debería ser a súa obriga. Por iso, o único que lles pido é que traballen en pro de todos os concellos sen ter en conta a cor política dos seus responsables e se deixen de polemizar e de buscar enfrontamentos estériles”.
Por último, Villares recordou que Cervo leva sendo un referente provincial en materia de praias e dos servizos que nelas se prestan. “Hai máis de 10 anos que Cervo dispón dun dos servizos máis completos da comarca, non en balde conta con numerosas distincións. Fomos pioneiros en facilitar aos bañistas consellos mediante megafonía ou en difundir a temperatura da auga, a ambiental ou o índice de raios ultravioleta, a parte de contar con completos equipos que permiten atender calquera continxencia que ocorra. Por iso, non podemos permitir que se nos acuse de traballar en contra do medioambiente e de costas á mellora das nosas praias” aseverou o alcalde.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
