CERVO .- O alcalde de Cervo recoñece que o museo da Casa da Administración estivo pechada por vacacións “durante uns días” e negou que estivera pechada durante un mes.
NOTA DE PRENSA
O ALCALDE DE CERVO NEGA QUE O MUSEO HISTÓRICO DA CASA DA ADMINISTRACIÓN ESTIVERA PECHADO UN MES
Cervo, 8 de xaneiro de 2010.- O alcalde de Cervo, Alfonso Villares, negou hoxe as acusacións do voceiro nacionalista, Xoán Antón Estúa, nas que aseguraba que a Casa da Administración de Sargadelos estivera pechada durante un mes. O rexedor admitiu que o museo e sede do Real Patronato de Sargadelos estivo pechado durante uns días a causa da concesión de vacacións da persoa encargada de atender este inmoble, “pero nunca chegou a estar pechada un mes, tal e como quere facer crer o señor Estúa, se non que persoal do Concello supliu esta baixa”.
Villares aproveitou para lembrarlle ao representante nacionalista que na recente visita da delegada provincial da Xunta, a responsable autonómica puido comprobar o “absoluto abandono e nulo mantemento” das instalacións por parte dos anteriores responsables da Xunta de Galicia. “Tiveron catro anos para preocuparse das eivas do edificio e sen embargo non fixeron nada por el. Agora, cando volven a estar na oposición, é cando se lembran del e teñen a desvergonza de querer agochar a súa irresponsabilidade a través de falsas acusacións”.
Por último, o alcalde tamén dubidou da forma na que se levou a xestión do devandito inmoble nestes últimos anos, “xa que nesta mesma visita da delegada provincial, puidemos comprobar que o uso que se lle esta a dar a algunhas das dependencias desta casa non se axusta precisamente aos fins para os que nun principio estaba previsto”
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
