Todas as persoas temos unha opinión sobre o que nos rodea, sobre como é ou debería ser, ou nos gustaría que fose?
O don da palabra como instrumento de comunicación é un atributo do ser humano moi valorado en todas as culturas e relixións, ata chegou a utilizarse como proba patente da creación divina do ser human.
Coa voz e coa palabra pódese trasladar a outros o que nos ocorre por dentro, como estamos, que pensamos ou queremos. As nosas expresións poden ser afirmativas ou negativas, clarificadoras ou enredosas, conter verdades ou mentiras, poden comunicar rabia, queixas, felicidade ou calquera formato que poida adoptar o noso estado de ánimo.
Unha das variedades da transmisión oral é a opinión. Todas as persoas temos unha opinión sobre o que nos rodea, sobre como é ou debe ser, ou nos gustaría que fose. Opinamos continuamente sen querer ou querendo, sen darnos conta estamos manifestando noso parecer sobre nosa propia vida e o mundo circundante.
O valor da opinión non só depende do tema que sexa obxecto senón tamén da persoa que a emite. Hai opinantes ilustres que argumentan, convencen ou cautivan. Hainos desastrosos que logo de moitas liñas e un malgaste absurdo e mal conformado de palabras non conseguen nin a medias dicir o que querían ou acaban dicindo o que non querían dicir. Entre un e outro extremo e en diversos grados atopámonos todos os demais.
A cultura mediterránea dos clásicos foi por excelencia o berce da oratoria como dominio dos argumentos e da palabra para o mundo occidental. Miles de textos e estudos de todos os tempos avalan este amor polo perfeccionamiento da expresión verbal. Falar ben é demostrar educación e cultura. Hilar os argumentos e as premisas ata chegar á conclusión é toda unha arte. A oratoria moderna é unha ciencia case perfecta.
O que é indiscutiblemente certo é que a opinión crea opinión. Cada opinante que fala aporta un punto de vista, unha perspectiva, un novo ángulo de visión, un aspecto descoñecido ou sobradamente coñecido, por iso enriquece o noso mundo a posibilidade de opinar.
A opinión conleva crítica e análise, pódese opinar sen tento pero sen ningunha validez, ou con opinión autorizada de experto. Pódese opinar das outras persoas, dos seus actos, aparencia ou conduta, desde o cotilleo máis vulgar ata unha valoración da súa calidade persoal e o seu mérito profesional. Opinamos sobre temas de sociedade, de política e políticos. Todo o que nose rodea é opinable.
Na sua connotación económica a opinión que xera un produto nos consumidores pode levar a unha empresa a medrar indefinidamente ou en caso contrario a sua creba. As modas nos temas cotiáns, xa sexa do vestir, do comer, dos automóbiles, etc. fórxanse pola opinión da xeneralidade e move montañas (de diñeiro sobre todo).
Os medios de comunicación son máquinas xeradoras de opinión. Desde os historiadores e cronistas de quen se facían seguir os emperadores romanos nas súas campañas bélicas, pasando polos cantos dos xuglares que radiaban xestas afastadas e transportaban noticias máis ou menos fidedignas, ata chegar á manipulación torticera da opinión polos dictadores do século vinte e por fin á liberdade, han ter que pasar moitos séculos de perfeccionamiento dos mecanismos de formar opinión.
Hoxe non podemos concibir o noso mundo sen a posibilidade de emitir opinión sobre absolutamente todo, co límite da dignidade e os dereitos dos demais por suposto, sería a morte social e vivir no engano do que nos queiran contar, como está ocorrendo nos países non democratizados. Temos moita sorte podendo falar para opinar, recordemos que non sempre se puido.
Otero Regal
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
