Ribadeo, 29 de decembro de 2017. A Vicepresidencia da Xunta e Consellería de Presidencia, Administracións Pública e Xustiza, lembrou hoxe que o Concello de Ribadeo está obrigado a garantir unhas instalacións e medios dignos no xulgado de paz da localidade e, en consecuencia, urxe ao alcalde a poñer pronta solución ás deficiencias que impiden e incluso paralizan o normal funcionamento deste servizo.
A Xunta lembra que son as administracións locais as competentes en materia de instalacións e medios instrumentais dos xulgados de paz (art. 51.3 da Lei 38/1988, de 28 de decembro, de demarcación e de planta xudicial) e, de xeito construtivo, apuntan que unha posible solución pasaría polo arranxo das instalacións actuais ou, polo traslado do xulgado a outro local municipal.
O delegado territorial da Xunta en Lugo, José Manuel Balseiro, apunta ademais que o Goberno galego xa amosou a súa total disposición a colaborar co Concello no acondicionamento das actuais oficinas e, pese a non ser unha competencia autonómica, tiña previsto destinar 30.000 euros a este fin, ofrecemento sobre o que non obtiveron resposta.
En caso de que o alcalde escolla a outra opción, o traslado do xulgado de paz a un novo local municipal, Balseiro lembra que só é necesario que o Concello se dirixa previamente á Sala de Goberno do Tribunal Superior de Xustiza de Galicia, dado que a afectación dun inmoble a actividades xudiciais require o acordo da devandita Sala de Goberno, segundo o artigo 4 do Regulamento 1/2000, dos órganos de goberno dos tribunais.
Desde a Xunta observan con preocupación os problemas que, de xeito recorrente, se están a producir como consecuencia das deficientes instalacións do xulgado de paz de Ribadeo, que no á paralización do servizo e insisten en que o alcalde ten que a asumir a súa responsabilidade e garantir un entorno de traballo digno e minimamente confortable para os empregados, e tamén para o resto dos cidadáns que acoden as ditas instalacións.
A Xunta de Galicia é a administración encargada de proporcionar o cadro de persoal dos xulgados de paz e abonar os seus salarios e ás distintas administracións locais correspóndelles a habilitación dos medios técnicos e das instalacións axeitadas.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
