Lugo, 16 de xaneiro de 2018.- O Grupo Provincial do Partido Popular censura a inoperancia e o “escaso traballo” do Goberno socialista da Deputación de Lugo no último ano en materia turística, xa que pese ás reiteradas peticións plenarias, aos acordos existentes e a teren anunciado a realización de numerosas actuacións, a realidade evidencia que apenas se materializaron en doce meses accións dirixidas a promocionar o turismo na nosa provincia, nin tampouco material divulgativo. Para os populares é “reprobable” esta falta de acción e de implicación por parte de Darío Campos cunha área de especial relevancia na provincia. Neste senso, engaden que, “aínda que empregan como reclamo turístico o vídeo “Lugo Cambia”, os feitos demostran que “coa Deputación de Lugo nada cambia nin avanza neste eido”. “Hai un ano na web figuraba a frase ‘sitio en construción’ e pouco teñen construído desde entón, engaden os populares.
Da lectura do resumo do Plan Estratéxico de Turismo 2017-2020 conclúese que non levaron a cabo nin a maior parte das accións previstas para curto prazo; nin tampouco crearon unha web en condicións que sirva de escaparate da provincia” e, a maiores, dende o Grupo Popular critican que se limiten as axudas en materia turística para os concellos. “Nin tan sequera se pode acceder ao Plan Estratéxico, senón a un resumo do mesmo”, anotan.
Os populares preguntan polas actuacións concretas que se levaron a cabo nos últimos meses dende a Deputación de Lugo no eido turístico máis alá do spot de Lugo Cambia.
Desde o Grupo Popular piden explicacións sobre o estado de accións comprometidas no Plan Estratéxico de Turismo tales como a creación dun ente turístico provincial; a elaboración e deseño dunha páxina web turística na provincia; a sinalización intelixente; a elaboración dunha estratexia de posicionamento do destino, así como de aplicacións para produtos turísticos prioritarios, entre moitas outras accións.
O PP esixe de novo unha ‘web ‘turística da provincia
Os populares lembran que fai un ano solicitaban, antes de que a Deputación o anunciase, a activación dunha web turística oficial para promocionar os atractivos da provincia e mostrábanse críticos co feito de que no apartado turístico do portal da Deputación só figuraba o texto “Sitio en construción. Proximamente en liña”, ao igual que no apartado da Área de Promoción do Territorio e Turismo, en Enlaces Adicionais-Lugo Terra aparecía a mensaxe “Páxina non encontrada. Por favor, revise a dirección solicitada”. Neste eido, os populares critican que a día de hoxe a situación “avanzou moi pouco e a desgana do Goberno provincial á hora de traballar polo sector turístico está a provocar que Lugo non conte cun verdadeiro escaparate da provincia”.
Así, os populares comproban que transcorrido un ano no apartado de Turismo na Provincia da web da Deputación só figuran o mesmo vídeo ‘Lugo Cambia’; fotografías das reunións celebradas para a elaboración do Plan Estratéxico de Turismo, xunto a unha serie de enlaces turísticos, entre eles a un resumo do referido Plan de Turismo, nos que se pode comprobar que non deron cumprimento á maioría das accións enmarcadas a curto prazo dentro deste plan.
Os populares engaden que no apartado turístico da web provincial obsérvase, por exemplo, que a axenda de actividades na provincia remite unicamente ao apartado de Lugo da web ocio en Galicia (http://ocioengalicia.com/lugo/); mentres que completan o espazo con Actividades infantís e xuvenís de verán completamente desactualizadas.
Mentres que no relativo ás reservas das rutas fluviais, pese a tratarse dun dos principais recursos do Sur da provincia, a Deputación pública o seguinte anuncio: Aviso: a tempada de rutas fluviais 2017 finaliza o 29 de outubro. a través deste medio informarase da data de inicio da tempada 2018.
Unha situación semellante ocorre ao entrar nos enlaces ás reservas da biosfera. No de Terras do Miño figura: Non se pode acceder a esta páxina; mentres que no dos Ancares lucenses atópase información xeral sen existir datos tan básicos como onde comer, onde durmir ou onde se atopan as pallozas.
Establecen límites aos concellos en materia turística
De igual modo, dende o Grupo Provincial do PP tamén se amosan críticos ante o feito de que o equipo de goberno limite no Plan Único cos Concellos o importe das achegas aos municipios para accións destinadas á promoción do turismo a unha contía igual a 6.000 euros para a celebración de eventos turísticos, feiras, mercados, festas de exaltación de produtos e recursos locais. Neste caso, explican dende o PP “estamos a falar dunha liña de axudas que se establece en base a un reparto equitativo que limitan, mentres que se asinan convenios específicos cun número limitado de concellos por importes moi superiores”.
Polo tanto, os populares reclaman unha maior implicación e máis traballo, xa que estamos a falar dun sector de vital importancia na provincia. “Dispoñen dunha partida de 400.000 euros e todo o que ofrecen é un spot e unha web sen información nin imaxes que trasladen a realidade turística da nosa provincia”. “Nin tan sequera ofrecen o máis básico: un mapa cos recursos turísticos da provincia”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
