LUGO, 26 de xaneiro de 2018.- O voceiro do PP no Senado, José Manuel Barreiro, acompañado dos senadores, Dámaso López e Gerardo Criado; así como do deputado no Congreso, Jaime de Olano; e dos presidentes provincial e local, Elena Candia e Ramón Carballo, respectivamente; destacou este venres que “as políticas impulsadas polo Partido Popular dende o Goberno Central foron e están sendo decisivas para que Lugo pechase o ano coa menor taxa de parados de Galicia”.
Proba delo, e fuxindo “de triunfalismos”, tal e como quixo deixar claro o popular, destacou que este “crecemento positivo”, se comproba nos datos da Enquisa de Poboación Activa (EPA) que vén de publicar o Instituto Nacional de Estatística (INE), e que sitúan a porcentaxe indicada nun 11,23%, fronte ao 13,47% de A Coruña, o 16,69% de Ourense e o 17,76% de Pontevedra.
Concretamente, o voceiro na Cámara Alta remarcou que “baixamos case a metade do paro que tivemos nos picos máis altos”. A este respecto, destacou o papel “que xogan” os Orzamentos do Estado para seguir “nesta senda positiva”, pois “son o instrumento que dá estabilidade para articular as diferentes políticas”. Por este motivo, fixo un chamamento “á responsabilidade” dos dous grupos da oposición, é dicir, ao Partido Socialista e á Cidadáns, xa que, engadiu, “non é posible facer un discurso de crecemento de emprego se logo adoptamos posicións políticas que van en contra disto. E é que, malia que o PP é o Partido que substenta o Goberno, o resto de forzas non están exentas desta reponsabilidade. Non son as contas do Partido Popular ou con Mariano Rajoy, son os Orzamentos de todos os cidadáns”, insistiu.
Taxa de actividade
A renglón seguido, José Manuel Barreiro destacou que a suba da taxa de actividade lucense tamén é significativa, situándose esta no 51,32% (133.500 persoas); 3,5 puntos máis que en Ourense (47,82% e 17.800 persoas) e tan só tres puntos porcentuais máis baixa que a de A Coruña (54,53% e 71.100 persoas) e 2 puntos con respecto á de Pontevedra (53,47% e 76.000 persoas).
Deste xeito, en termos absolutos os parados distribúense entre os 16.900 en Lugo e os 76.300 de Pontevedra; 71.100 en A Coruña e os 17.800 en Ourense. Así, a maior taxa de paro feminino dáse en Pontevedra, ao alcanzar o 18%, fronte ao 11,87% de Lugo. Pola contra, a menor taxa de actividade entre mulleres atópase en Ourense cun 43,8%, mentras que en A Coruña esta aproxímase ao 50,5%.
En clave autonómica e nacional
En termos autonómicos, Galicia é a sétima Comunidade na que máis se reduciu o número de desempregados en 2017. Concretamente, os galegos pechamos o ano con 182.100 parados.En canto á ocupación, o exercicio rematou cun incremento de 6.200 persoas respecto a 2016 (+0,59%), ata 1.055.800.
Asemade, e xa en clave nacional, o pasado ano preto de 500.00 persoas atoparon un posto de traballo; cuestión que Barreiro non atribúe “á casualidade, senón que é froito dunha serie de decisións de carácter económico ao longo dos últimos anos, e que están a contribuír a que levemos practicamente 50 meses cunha evolución positiva e a continuar liderando a creación de traballo en relación ao resto de Europa”.
Para rematar, o voceiro do PP, tamén reparou en que, a consecuencia desta xestión, se corrixen dúas cuestións que eran unha necesidade no país, pois non só se crea emprego, senón que este é de calidade, e tamén aumenta a ocupación feminina. Como exemplo disto, explicou que, en 2107, 360.000 persoas, é dicir, 3 de cada 4, acadaron un contrato indefinido, sendo unha gran parte titulares as mulleres.
Con todo, concluíu, “creo que non debemos conformarnos, pero si poñer en valor que somos o país de Europa que máis reducimos a fenda salarial, senón tamén o paro feminino. A conclusión é que temos que seguir traballando neste camiño”, afirmou.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
