Burela 24-2-18. O Pescados Rubén Burela FS non puido recuperar a boa senda esta tarde en Vista Alegre. O Rivas Futsal asegurou os tres puntos con 1-2 a 7 segundos para a bucina final grazas ao porteiro xogador fronte a un conxunto mariñán demasiado lastrado pola falta de pegada.
Aínda que a primeira ocasión clara foi para Rivas con Fran Conde, ante un gran despexe de Edu cos pés, os da Mariña mostraron a súa superioridade na pista, con máis perigo sobre a rede de J. Fernández. Antes do ecuador da primeira parte intentárono Colacha, por partida dobre, e Luisma (minutos 8 e 9); tamén puxeron en apertos á defensa visitante Hélder, desde balón parado (minuto 11) e Pope (minuto 13) fronte a dúas hábiles reaccións do gardameta madrileño. Con todo foi o Rivas o que atopou vantaxe no marcador a falta de 3’18” para o descanso nunha transición que culminou Gaby, a pase de Pablo Ibarra. No último minuto Chus, dun potente disparo, e Héctor pegado á portería, desde balón parado de Renato, dispuxeron de ocasións de ouro para o empate, sen éxito.
O Pescados Rubén volveu á pista para seguir estrelándose contra a falta de definición. Renato protagonizou nos primeiros compases outras dúas brillantes; no 22 e o 23, sen conseguir rematar os pases de Pope e Hélder, respectivamente. Luisma salvou o segundo dos visitantes, no minuto 28, e o Burela FS non cesou no seu empeño de aliarse co gol. No 33, o mísil de Hélder e a recuperación burelista con Colacha nos últimos metros chocaron contra J. Fernández; tan só 1 minuto despois o meta de Rivas freou por partida dobre as embestidas de Víctor. E por fin os laranxas abriron a lata, con 5’13” por diante, cun disparo afastado de Chus. A falta de 43 segundos Rivas optou polo ataque de cinco e atopou o 2-1, con 7 para a bucina. Saíu Chus como porteiro-xogador, con tempo soamente para unha tentativa infrutuosa de Renato.
Ficha técnica
Pescados Rubén Burela FS: Edu, Hélder, Chus, Renato, Pope, cinco inicial; tamén xogaron Héctor, Víctor, Luisma, Colacha
Rivas Futsal: J. Fernández, Blecua, Samu, Mel, Fran Conde, cinco inicial; tamén xogaron Gaby, Santi, Chicho, Pablo Ibarra, Manu Diz
Goles: 0-1, minuto 17, Gaby; 1-1, minuto 35, Chus; 1-2, minuto 40, Chicho
Árbitros: De Juana González // Sánchez Llorente (Colexio Cántabro). Por Burela, amarela Renato (minuto 29). Por Rivas amarela a Chicho (minuto 6), J. Fernández.
Incidencias: Partido correspondente á xornada 22 de Segunda LNFS, disputado no pavillón Vista Alegre de Burela ante unhas 800 persoas. Minuto de silencio inicial en recordo do ertzaina falecido esta semana en Bilbao
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
