Ribadeo, 5 de marzo de 2018. O Concello pon á venda os inmobles 2 e 4 da rúa Bispo Veres dos que é titular despois de que os descendentes dos herdeiros se desentendesen da propiedade. Os edificios, que se atopan en estado ruinoso, ocupan unha superficie construída de 700 metros cadrados e sairán a poxa por 134.000 euros máis IVE. Unha vez que se publique esta convocatoria no BOP, as persoas interesadas disporán de 20 días para presentar as súas ofertas. O obxectivo do Concello é que eses inmobles se restauren.
O alcalde, Fernando Suárez, comentou que “foi esta unha situación curiosa nestes dous inmobles da rúa Bispo Veres, os números 2 e 4, que estaban en moi mal estado. Realmente levaban moitísimos anos en moi mal estado e o que nos atopamos no seu momento foi que os supostos herdeiros ou os descendentes dos que figuraban no catastro desentendéronse da situación manifestando que non eran herdeiros. De aí que o Concello, ao non ser de ninguén, iniciou os trámites de inmatriculación, é dicir, de poñelo a nome do Concello. Isto finalmente produciuse hai un tempo, polo que agora o Concello, lexítimo propietario destes inmobles que se atopan en estado ruinoso desde hai varias décadas, aínda que están nunha situación moi privilexiada no casco antigo da vila polas súas vistas, etc…, consideramos que a mellor saída para estes dous inmobles será a venda dos mesmos, a través de poxa, para que os novos propietarios os poidan rehabilitar seguindo a pauta que nos marcamos en Ribadeo hai uns anos co casco vello”.
O rexedor explicou que “entre estas dúas vivendas anexas dan unha superficie total construída duns aproximadamente 700 metros cadrados e polo tanto vai saír en licitación, en poxa pública por procedemento aberto e oferta máis vantaxosa, por un importe que os técnicos municipais cifraron de saída en 134.000 euros máis IVE, o que dá un total de 147.452 euros. Para iso, sairá publicado dentro duns días este anuncio no Boletín Oficial da Provincia e haberá 20 días para presentar ofertas para a poxa destes inmobles moi ben enclavados en pleno casco vello de Ribadeo, cunhas posibilidades ao noso xuízo moi importantes, pero que ao mesmo tempo seguimos coa estela traballando para recuperar o casco vello de Ribadeo”.
Suárez Barcia engadiu que “seguimos a traballar como facemos dunha maneira activa, é dicir, cando unha vez que iniciamos expedientes sancionadores para que rehabiliten, alguén se lava as mans dicindo que isto xa non é meu, pois se non é de ninguén será do Concello. Por iso o Concello inmatricularaos e seguirá con estes procedementos, que ao mesmo tempo supoñen uns ingresos paras as arcas municipais extraordinarios”.
O Concello de Ribadeo porá á venda polo procedemento de poxa dous inmobles no casco vello
Relacionado
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
