A Mariña, 08 de marzo de 2018.- Nova mostra do dobre xogo e das mentiras do PP: Fomento confirma no Congreso que non ten previsto arranxar a N-634, incumprindo unha proposición non de Lei presentada polo PSOE no Congreso e aprobada pola Cámara xa hai un ano, aínda non contar co apoio do PP; e poucos días despois de que os populares votasen a favor na Deputación de Lugo dunha moción para melloras nesta estrada e noutras na Mariña, contradicindo ao seus compañeiros en Madrid e mentindo aos veciños da provincia sobre as súas “verdadeiras intencións para Lugo”. “Unha vez máis, confírmase que mentres en Madrid o Partido Popular á fronte do Goberno Central non oculta o seu claro abandono á provincia, manténdoa ao marxe de calquera proxecto; en Lugo, practicando un dobre xogo, menten aos veciños sobre as seus verdadeiras iniciativas para a provincia, que non son outras máis que non facer nada”.
Así o destacou a Deputada socialista por Lugo no Congreso, Margarita Pérez Herráiz, tras preguntar ao Goberno Central polas súas previsións na N-634 e N-642. Fíxoo logo de que o Partido Popular no Executivo Estatal non fixese mellora algunha nestas dúas infraestruturas cando a Cámara aprobou, xa en marzo de 2017 e sen o apoio do PP, a proposición non de Lei que presentou o PSOE para executar as necesarias obras de mantemento en ambas as dúas vías.
Pérez Herráiz fixo as seguintes preguntas sobre a N-634 e N-642: que obras se fixeron nestas vías?; que presuposto se empregou?; en caso de non telas feitas, cando ten previsto o Goberno levalas a cabo e con que orzamento?. Na resposta, Fomento non fai referencia algunha á N-634, pois non levou a cabo ningunha actuación e non ten previsión de facelas tal e como constata.
O PSOE leva tempo demandando o arranxo integral desta infraestrutura ante o estado de abandono no que o PP mantén todo o seu trazado, que discorre dende Ribadeo, Barreiros, Lourenzá, Mondoñedo, Abadín, Vilalba e ata Begonte. Trátase da vía primitiva de entrada a Galicia e Portugal dende Francia e a zona Cantrábrica.
Sen executar fondos de 2017 e sen prazos da reparación de 20 quilómetros
Ao respecto da N-642, a maiores das anteriores preguntas, a socialista tamén formulou as seguintes outras: como xustifica o Goberno que a pesares da súa necesidade non se executasen os 875.660 euros que estaban previstos nos orzamentos de 2017?; cando ten previsto iniciar e terminar as obras de reparación dos 20 quilómetros aos que fai referencia?; que fará o Goberno para ter en condicións mínimas de seguridade a N-642 en tanto non se conclúan ditas obras?.
Na resposta, Fomento confirma que non executou os 875.66 euros do ano pasado, apuntando que a partida referida é acorde a súa situación administrativa. De feito, remítese a traballos de finais de 2015 na variante de Foz para facer alusión a algún traballo nesta vía. Asegura que actualmente está en redacción o proxecto que define a actuación, referíndose á reparación de 20 quilómetros da N-642, sen especificar previsión para o inicio e remate destes traballos, nin actuacións para garantir a seguridade en tanto non se executen estas actuacións.
O Partido Socialista demanda o arranxo integral e a mellora da seguridade na N-642, tal e como recolle a proposición non de lei que presentou no Congreso xa en marzo de 2017 e que foi aprobada pola Cámara sen o apoio do PP. Esta vía vertebra boa parte da Mariña, dende Ribadeo a San Cibrao, cunha lonxitude de 50 quilómetros polos que a diario circulan milleiros de vehículos. O abandono ao que o PP mantén sometida esta vía é máis que evidente, pois sufre un importante deterioro, principalmente en treitos que discorren por Fazouro, Cangas, Nois, pola variante de Burela e en Cervo. Os 8 quilómetros desta estrada en Ribadeo están considerados como o quinto punto máis perigoso de España segundo o estudo RACE 2017 (Real Automóbil Club de España).
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
