Lugo, 14 de marzo de 2018.- A voceira do Grupo Provincial Popular na Deputación de Lugo, Elena Candia, acompañada de deputados provinciais, mantivo esta tarde unha xuntanza con representantes das agrupacións de Protección Civil da provincia, na que tratou cos voluntarios destas formacións a nova liña de axudas da Deputación á que se poden acoller os concellos nos que existen estas agrupacións que de “xeito altruísta e desinteresado traballan por e para os cidadáns”. Candia defendeu a necesidade deste tipo de axudas, enmarcadas dentro do Plan Único, que o Grupo Provincial Popular impulsou na Deputación de Lugo, ao tempo que censurou que “fosen moitos os anos nos que o Goberno da Deputación se esqueceu da súa competencia en materia de emerxencias e desatendeu as necesidades deste dispositivo, que sempre tivo o apoio do Goberno galego de Núñez Feijóo”. “Sacan agora peito dunha axudas que deberían ter concedidas dende hai anos”, precisa Candia ao tempo que sostén que se trata dunha colaboración que se lle debe aos alcaldes e aos concellos e que a Deputación desoíu ata agora.
Pese a esta circunstancia e ao feito de que o Goberno socialista na Deputación non asumise as súas funcións en materia de emerxencias; Elena Candia saudou que a administración provincial finalmente se sume a colaborar coas agrupacións de Protección Civil, tal e como fai o executivo galego. Neste eido, a voceira dos populares valora que se teñan en conta as propostas da oposición motivadas por estar ante un Goberno en minoría que debe atender ás peticións do resto dos Grupos. Candia lembra que foi o PP quen impulsou a aprobación do Plan Único, que está a poñer fin a unha clara xestión partidista na Deputación e á desatención de competencias básicas, e dentro do que se atopa esta liña de axudas dirixidas ás agrupacións de Protección Civil. “Este é o paso a seguir, que a Deputación asuma as súas competencias; é a responsabilidade que guía ao Grupo Popular no labor que desempeñamos na Deputación de Lugo”, precisou Candia.
Deste xeito, a popular animou aos voluntarios das agrupacións de Protección Civil presentes na xuntanza a que, se poñan en contacto cos rexedores dos seus municipios, para que soliciten estas axudas, por un importe de 4.000 euros por localidade, ás que se poden acoller os 42 concellos da provincia nos que existen estes dispositivos, que integran máis de 2.000 voluntarios.
Compromiso do Goberno galego
Elena Candia tamén reprobou as mentiras do Goberno do PSOE na Deputación en relación a implicación do Goberno galego coas agrupacións de Protección Civil xa que “é a Xunta de Galicia a que garantiu durante estes anos o funcionamento destas agrupacións de voluntarios, de cuxa existencia a Deputación non se deu conta ata agora pese a ter competencias nesta área”.
A popular puxo de manifesto que os datos son claros e confirman que a Xunta de Galicia destinou nos últimos tres anos preto de dous millóns de euros para apoiar as 42 agrupacións de voluntarios de protección civil da provincia de Lugo; unha contía económica que entre 2015 e 2017 dotou a estes dispositivos de axudas para funcionamento, equipamento necesario así como para cursos de formación. En concreto, este importe permitiu o financiamento de 178 equipamentos, entre vehículos e material de emerxencia.
“Non existe ningún tipo de recorte da Xunta de Galicia nos gastos de funcionamento nin de equipamento, ao contrario, subiuse a dotación económica, coñecedores das necesidades dos Concellos e da desatención ata a actualidade da Deputación de Lugo”, precisa Candia, quen engade que a única redución considerable nas axudas a estas agrupacións de voluntarios se produciu na convocatoria do ano 2009, asinada polo Goberno bipartito na Xunta de Galicia.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
