LUGO .- Por iniciativa do BNG, no pleno provincial do próximo martes debaterase para tomar o acordo de goberno no que se lle esixe á Xunta cumprir coas obrigas de normalización do idioma que estabelece o Estatuto de Autonomía
A DEPUTACIÓN INSTARÁ Á XUNTA A RETIRAR O BORRADOR DO DECRETO QUE REBAIXA O USO DO GALEGO NO ENSINO
Por iniciativa do BNG, no pleno provincial do próximo martes debaterase para tomar o acordo de goberno no que se lle esixe á Xunta cumprir coas obrigas de normalización do idioma que estabelece o Estatuto de Autonomía
Instarase ao goberno do PP a retornar ao consenso político e social que se estabelece no marco normativo da Lei de Normalización Lingüística e no Decreto 124/2007, consecuencia do PNL aprobado por unanimidade das forzas parlamentares
Lugo, 20 de xaneiro de 2010. A iniciativa do grupo provincial do BNG, a Deputación de Lugo debaterá para a súa aprobación no pleno do vindeiro martes un acordo da Xunta de Goberno mediante o cal se insta á Xunta de Galiza a retirar o borrador do decreto que rebaixa o uso do galego no ensino como lingua vehicular. Esta proposta de acordo de Goberno vén motivada pola decisión do PP de derrogar o vixente Decreto 124/2007, aprobado por unanimidade das forzas parlamentares con representación naquel momento, e que constituía un punto de consenso común para regular a normalización do galego no ensino e demais ámbitos públicos.
En substitución deste Decreto, o 30 de decembro o PP presentou un borrador alcumado o decreto do plurilingüismo, xa que propón un terzo de galego, outro de castelán e outro de inglés como linguas vehiculares no ensino. Porén, de xeito pragmático, non se vai dar tal plurilingüismo, xa que o que hai é un avance claro cara ao monolingüismo en castelán. Na súa aplicación práctica, vaise pasar do 50% en galego ao 70 – 30 % en favor do castelán. A introdución do inglés é unha cortina de fume, pois, como o propio decreto admite, non vai haber recursos para financiar a introdución do inglés, moito menos se temos en conta que o PP reduciu os orzamentos para o ensino público.
Tal e como se argumenta na proposta de acordo de goberno da Deputación de Lugo, as bases deste novo decreto vulneran leis básicas aprobadas por consenso e tratados internacionais de dereitos lingüísticos, ademais de recibir fortes críticas e a desaprobación de sectores sociais e institucións como recentemente expresou a Real Academia Galega. En concreto, o borrador do novo decreto vulnera a letra e o espírito da Lei de Normalización Lingüística (artigos 12 e 13), así como da Carta Europea de Linguas Rexionais ou Minoritarias (art. 8). Ademais, o borrador non garante que o alumnado acade a competencia plena en lingua galega, polo tanto sitúase mesmo fóra do marco do estabelecido no Estatuto de Autonomía no seu artigo 5º.
No texto que se levará a acordo o vindeiro martes preséntanse fortes críticas ao PP na Xunta de Galiza, centrándose na súa actitude galegófoba que está a propiciar que, en contraposición coa extrema ineficacia e parálise no resto da acción de goberno, o equipo de Feijoo actúe con obsesiva celeridade en contra do galego e das medidas que, en boa parte, impulsou o goberno bipartito da Xunta de Galiza, inspiradas no consenso que estabelece a Lei e o Plan de Normalización Lingüística. Así, eliminou a obrigatoriedade de realizar unha proba en galego para a acceder á función pública, eliminou a condición de impartir en educación infantil un mínimo do 50% en galego en contextos español-falantes; desmantelou o modelo educativo de Galescolas, e reduciu drasticamente o orzamento para diferentes políticas de normalización lingüística, até o punto de que os orzamentos deste ano dedican un 20% menos á normalización que os do ano 2009.
Por estas razóns, o Goberno da Deputación de Lugo tomará o acordo de instar á Xunta a que dea marcha atrás e retire o borrador do Decreto que regula as linguas vehiculares no ensino, cumpra as obrigas estatutarias de normalización da lingua propia de Galiza que estabelece a normativa vixente e recupere o consenso político e social que se estabelece no marco normativo da Lei de Normalización Lingüística e no Decreto 124/2007, consecuencia do Plano de Normalización Lingüística aprobado no seu momento por unanimidade das forzas parlamentares.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
