Lugo, 6 de abril de 2018. A voceira do Grupo Provincial do PP, Elena Candia, asegurou hoxe tras a celebración do Pleno extraordinario convocado polo PSOE que “a petición máis acertada é que alguén neste Goberno asuma a súa responsabilidade e presente a dimisión porque isto é francamente vergoñento”. Así o demandan logo de asistir a un Pleno que convocou o PSOE e que os mesmos socialistas retiraron, unha situación que os populares consideran esperpéntica.
Os populares explicaron que o único argumento que teñen ambos, PSOE e BNG, é ir contra o PP e non hai que facer moita valoración, “os feitos e a realidade superan a ficción”. Un BNG roto ao que lle falta o 50% e un PSOE que tampouco vai na mesma dirección. “A institución non merece a esta xente, alguén ten que presentar a dimisión, hoxe decidíase algo que afecta a 7 millóns de euros da institución e creo que as cousas se teñen que facer con outra seriedade”, apuntou.
A popular indicou que o seu Grupo tende pontes de consenso, “pero os socialistas usan a institución para darse bofetadas, agora din que van aprobar o que hoxe levaban ao Pleno en Xunta de Goberno e entón para qué convoca este pleno e dan esta imaxe dantesca?”.
Recordou que as residencias nacen no ano 2010, polo que son 8 anos cun proxecto que todo o mundo coñece e que deu lugar a un investimento de 12 millóns de euros. Intentamos explicar o que pasa, pero non é fácil este esperpento. Somos 12 de 25 e apartáronnos do Goberno para restablecer a normalidade democrática e hai poucas Deputación en España con tantos capítulos tan desacertados e alguén ten que asumir a responsabilidade”, insistiu.
Desde o PP explican que o equipo de Goberno está obrigado a entenderse co resto dos grupos, e ten un Grupo coherente en fronte que nunca vai poñer paus nas rodas ante un PSOE que se desintegra e un BNG que sendo dous non se entenden. “Somos a única alternativa e fomos coherentes sempre e temos que conseguir que entre a cordura na institución, alguén ten que coller as rendas e senón que deixen o goberno”.
“É vergonzoso porque detrás hai moito diñeiro público, usuarios que desexan entrar, concellos que investiron moito diñeiro, como o de Trabada, residencias que foron inauguradas, persoas seleccionadas e agora pretenden facer un cambio de modelo sen xustificación e tampouco sendo consensuado. É un problema político, non xurídico. Eles votaron a Martínez como presidente de Suplusa. O PP non é responsable desta sen razón e intenta poñer alternativas para que se centren no importante. E neste momento abrir as residencias é unha necesidade acuciante. Teñen aínda que explicar por qué paralizan que abra Castroverde, Pol e Trabada con todos os permisos e todo en marcha.
Un modelo máis lento, más caro e que discrimina
Ao longo do pleno os populares convidaron ao equipo de Goberno a darlle unha volta á proposta “non porque non convence ao PP, senón porque non convence aos seus, nin ao BNG, que hoxe no Pleno só hai un deputado de dous”. O PP defendeu que a proposta do PSOE “nin vai ser o modelo máis rápido, é máis caro para os concellos e xera unha importante discriminación”.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
