Mondoñedo, 13 de abril de 2018.- A alcaldesa de Mondoñedo, Elena Candia, participou esta mañá na presentación, xunto á directora xeral de Xuventude, Participación e Voluntariado, Cecilia Vázquez, dun curso formativo sobre técnicas de aproveitamento resineiro dirixido a mozos e mozas de 18 a 35 anos de idade que desenvolverá a Xunta de Galicia e o Concello e Mondoñedo en colaboración coas Comunidades veciñais en man común da parroquia de Figueiras e de Estelo.
Trátase, segundo explicou a rexedora de darlle continuidade ás xornadas forestais organizadas polo Concello o pasado mes de novembro coa implicación das comunidades de montes de Estelo e Figueiras, “que se sumaron ao proxecto”, así como o Centro do Instituto San Rosende para que os mozos e mozas coiden do monte e coñezan as súas posibilidades.
O proxecto é un exemplo de unión de esforzos e medios entre administracións e entidades para ofrecer á mocidade ferramentas que lle axuden a adquirir unha capacitación vinculada coa valorización dos recursos e potencialidades que ofrece o territorio.
Formación de carácter teórico-práctico
Esta iniciativa formativa de carácter teórico-práctico desenvolverase de abril a outubro e terá unha duración de 40 horas. As clases teóricas impartiranse no Centro comarcal de Mondoñedo os días 20, 21, 22, 27 e 28 de abril, en horario de mañá e tarde, co obxectivo de que os mozos e mozas tomen conciencia dunha realización correcta desta tarefa para non danar a madeira e para maximizar a produción.
A parte práctica, cunha duración de 56 horas, desenvolverase os sábados a partir de maio e consistirá en 14 visitas a parcelas sitas no monte veciñal para que os participantes amplíen os seus coñecementos na aplicación práctica do aproveitamento, na toma de decisións e na optimización da xestión.
Os mozos e mozas interesados poderán inscribirse ata o vindeiro 19 de abril a través da plataforma web da Dirección Xeral de Xuventude, Participación e Voluntariado.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
