O Concello de Cervo agradece á Xunta o investimento destinado a mellorar o patio do CEIP de San Cibrao

Cervo, 19 de abril de 2018.- O alcalde de Cervo, Alfonso Villares, agradece á Xunta de Galicia, a inversión que vai acometer no patio do CEIP Número 1, de San Ciprián.
O rexedor sinalou que as obras, que contarán cun orzamento que superará os 17.000 euros, foron solicitadas pola dirección do centro, “e desde o Concello puxemos esta reivindicación en coñecemento da delegación territorial, que desde o primeiro intre amosou unha moi boa disposición para levar a cabo os traballos”.
Con esta nova actuación, que se acometerá nos meses de verán para que non se vexa alterada a actividade lectiva, a zona de xogos do colexio presentará unha imaxe completamente renovada. Porque, tal e como recordou Villares, “estes traballos veñen sumarse á recente reforma do parque infantil que acometemos con fondos municipais e que supuxo dun investimento de algo máis de 20.000 euros”.
O alcalde incidiu en que para “nós é fundamental estar en contacto permanente coa dirección e coas ANPAS dos centros educativos do municipio para ser coñecedores en todo momento das súas necesidades, e darlles resposta na medida das nosas posibilidades “porque entendemos que a Educación é un piar fundamental e o noso obxectivo pasa porque as instalacións estean na mellor das condición para ofrecer, como así vén sendo, un servizo de calidade”.